بیرلشگن ملتلر تشکیلاتی کمیشنری غزه ده وحشی توقنه شوونینگ دوام ایتیشینی قاره له دی
مارتین گریفیث اسرائیل هجوملری طفیلی اولگن فلسطینلیک سانی نینگ 20 مینگدن آشیب کیتیشی گه دقت تارتدی
بیرلشگن ملتلر تشکیلاتی انسانی ایشلردن مسؤل باش کاتب اورینباسری و عاجل یاردم کمیشنری مارتین گریفیث غزه ده وحشی توقنه شوونینگ بونقه اوزاق مدت دوام ایتیشی نینگ مشترک ذهن ده یوقه لیشی ممکن بولمه گن بیر لکه بولیب قاله جگینی ایتدی.
مارتین گریفیث، اسرائیل هجوملری طفیلی اولگن فلسطینلیک سانی نینگ 20 مینگدن آشیب کیتیشی گه تیگیشلی اجتماعی ترماق ایکس آرقه لی بیر پیام ترقه تدی.
غزه ده تلفات نینگ ینه قورقینچ و اویت بیرووچی بیر وضعیت گه ایلنگن لیگینی معلوم قیلگن مارتین گریفیث بحران نینگ کوپه یشی گه سبب بولگن حادثه لرنینگ جیرکنچ ایکن لیگینی دوام ایتگن حادثه لرنینگ ایسه وجدانسیزلیک ایکن لیگینی افاده ایتدی.
مارتین گریفیث، برچه تامانلرنینگ خلق ارا انسانلیک حقوقی اساسیده مسؤلیتلرینی بجا کیلتیریش و تینچ اهالینی قوریقلش گه مجبور ایکن لیگینی قید ایتیب بوتون اسیرلرنینگ قوییب یوباریلیشی نینگ شرط ایکن لیگینی معلوم قیلدی.
هر تاماندن قاره لش، فزیکی و ذهنی یوقه لیش بیلن بویوک ویرانلیک یوزبیرگن حالده توقنه شوونینگ دوام ایتیب تورگن لیگینی ایتگن مارتین گریفیث،
" غزه ده وحشی توقنه شوونینگ بونقه اوزاق مدت دوام ایتیشی نینگ مشترک ذهن ده یوقه لیشی ممکن بولمه گن بیر لکه بولیب قاله دی." دیب ایتدی.
گریفیث، توقنه شوونینگ یکونلنیشی بوییچه چقیریغینی تکرارله دی.
علاقه لی ینگی لیکلر
اسرائیل نینگ سوریه ده هوا هجومی اویوشتیرگن لیگی ادعا ایتیلدی
سوریه و اسرائیل رهبریتی تامانیدن اوشبو حقده بیانات بیریلمه دی
