مالزیا دولتی اسرائیل گه تیگیشلی کیمه لرنینگ بندرلرگه لنگر تشلشینی منع قیلیب قویدی
اوشبو قرار فلسطینلیکلرگه قره ته قول اوریلگن ظلم نینگ سبب کورستیب آلینگن لیگی بیلدیریلدی
مالزیا باش وزیری انور ابراهیم فلسطینلیکلرگه قره ته قول اوریلگن ظلم نی سبب کورستیب اسرائیل بیراقلی و بو اولکه گه تیگیشلی برچه کیمه لرنینگ بندرلریگه لنگر تشلشی گه رخصت بیرمسلیگینی بیلدیردی.
انور بیرگن یازمه بیاناتده، اوشبو قرارنینگ اسرائیل تامانیدن فلسطین گه قره ته هجوملریده گی یانداشووی گه جواب ایکن لیگینی و تیزده عملی بولیب باشلشیدن خبر بیردی.
سابق حکومت نینگ قراری بیلن اسرائیل گه تیگیشلی شرکتلرنینگ و کیمه لرنینگ 2005 ییلیدن بیری بندرلرگه لنگر تشلشی گه رخصت بیریلگن لیگینی معلوم قیلگن انور بو قرارنی بیکار قیلینگن لیگینی افاده ایتدی.
انور "بو چیکلاو اسرائیل نینگ فلسطین خلقی گه قره ته آلیب باریله یاتگن قیرغین و ظم نینگ اساسی انسانپرورلیک تمایللرینی بها بیرمه گن و خلق ارا حقوقنی بوزووچی حرکتلرگه جواب دیر."
اسرائیل گه تیگیشلی و اسرائیل بیراقلی کیمه لر قاله ویرسه 2002 ییلیدن بیری رخصت بیریلگن اسرائیللیک دینگیزچیلیک شرکتی ZIM گه باغلیق برچه کیمه لرنینگ اولکه ده گی بندرلرگه لنگر تشلشی نینگ منع قیلینگن لیگینی معلوم قیلگن انور اسرائیل گه باراتگن برچه کیمه لرنینگ مالزیا بندرلریده کارگو یوکلشینی هم منع قیلینگن لیگینی قید ایتدی.
انور اوشبو قرارنینگ مالزیانینگ تجاری فعالیتلری گه تاثیر قالدیرمسلیگینی معلوم قیلدی.
علاقه لی ینگی لیکلر
تورکیه رادیو تلویزیونی گه مکافات بیریلدی
اوشبو مکافات سیونیست حرکت نینگ تاریخی گه تیگیشلی دقت گه سزاوار اوچ بولیملیک ویدیو طفیلی بیریلدی
هندوستان ده پارتلش عاقبتیده کوپلب کیشی جان بیردی
پارتلش و آرتیدن یوزبیرگن یانغین عاقبتیده کوپلب کیشی نینگ اولیب یره لنگن لیگی بیلدیریلدی