مکسیکوده اویوشتیریلگن قوراللی هجوم عاقبتیده اونلب کیشی جان بیردی

مکسیکوده اویوشتیریلگن قوراللی هجوم عاقبتیده کوپلب کیشی حیاتینی یوقاتدی

مکسیکوده کریسمیس آلدی اوتکزیلگن بیر پروگرام گه اویوشتیریلگن هجوم عاقبتیده 12 کیشی حیاتینی یوقاتدی.

مکسیکونینگ مرکز ایالتی گواناواتوشهریده یکشنبه کونی اوتکزیلگن پوساداس آتیده گی بیر پروگرام گه هجوم اویوشتیرگن کیشیلر کمیده 12 کیشینی اولدیردی کوپلب کیشینی یره له دی.

ایالت قاره لاوچیلیگی تامانیدن ایکس آرقه لی بیریلگن بیاناتده، حادثه عاقبتیده 12 کیشی نینگ اولگن لیگی یره لنگنلرنینگ کسلخانه گه ییتکیزیلگن لیگی بیلدیریلدی.

پروگرامده قتنشگنلردن بیر کیشی نینگ ایتیشیچه سقیله قوراللر بیلن کیلگن آلتی نفر هجومچی 100 کیشی بولگن صالون گه کیریب تیگره ک که اوق اوزیش گه باشله گن.

خوددی شو هجوملرده اولگنلرنینگ یاشلردن عبارت ایکن لیگی معلوم قیلیندی.

گواناواتو مکسیکوده خشونت اینگ کوپ قول اوریلگن جایلردن بیرته سی ایتیب بیلینه دی. بونینگ اساسی سببی نینگ ایسه جنگری گروهلری نینگ و مخدره مواد ساتووچی گروپلری نینگ منطقه ده فعالیت آلیب باریشی دیب کوریلماقده.