تورکیه تشقی ایشلر وزیری خاقان فیدان اسپانیا گه تشریف بویوردی

تورکیه جمهوریتی تشقی ایشلر وزیری خاقان فیدان, مدیترانه اوچون بیرلیک 8- منطقه ای ییغیلیشیده اشتراک قیلیش مقصدی بیلن اسپانیا نینگ بارسیلونا شهری گه تشریف بویوردی. 

ییغیلیشده کون ترتیبی ده گی بیرته گینه موضوع دن عبارت غزه ده گی بشری وضعیت و منطقه مقیاسیده گی ینگیلیک لر حقیده سوز یوریتیلدی. 

فیدان, اوشبو سفری دایره سیده, اسلام همکارلیک تشکیلاتی- عرب لیگی فوق العاده اورتاق رهبر لر ییغیلیشی تامانیدن توظیف قیلینگن باشقه تشقی ایشلر وزیرلری بیلن بیرگه اسپانیا لیک کسبداشی خوسیه مانویل الباریس هم غزه ده گی سونگّی ینگیلیک لر حقیده بحث ایتدی.