بیر تورک عسکری شهید بولدی

عراق نینگ شمالیده گی پنجه قفل عملیاتی منطقه سیده بولووچی ترور تشکیلاتی پ.ک.ک اعضاسی ترورچی لر تامانیدن اویوشتیریلگن هجومده یره لنگن بیر عسکر, کسلخانه ده شهید بولدی.  شونده ی قیلیب شهید لر سانی 3 نفر گه ییتدی. 

تورکیه جمهوریتی ملی مدافعه وزیرلیگی تامانیدن بیریلگن بیاناتده, "پنجه قفل عملیاتی منطقه سیده 26- نوامبر کونی ترورچی لر تامانیدن اویوشتیریلگن هجوم عاقبتیده یره له نیب کسلخانه گه انتقال ایتدیریلگن قهرمان عسکری میز فوزی قیزیلتاش, کسلخانه ده شهید بولدی.  بیز لرنی جوده قیغولنتیریب قویگن اوشبو حادثه ده حیاتینی یوقاتگن عزیز شهیدی میز گه الله تعالی دن رحمت, عایله سی, تورکیه قوراللی کوچلری و اصیل ملتی میز گه جمیل صبر تیلب قاله میز" دییه قید ایتیلدی. 

مدافعه وزیرلیگی, پنجه قفل عملیاتی منطقه سیده بولووچی ترور تشکیلاتی منسوب لری تامانیدن اویوشتیریلگن هجومده نجدت چالیش و همراه گوندوز ناملی عسکر لرنینگ شهید بولگن لیگی و 2 عسکر نینگ ایسه یره لنگن لیگینی بیلدیرگن ایدی.