آنتونیو گوترش: غزه باله لرنینگ قبرستانی گه ایله نیب قالدی

خلق ارا مقیاسده اسرائیل نینگ غزه گه قره تیلگن هجوم لری گه قرشی عکس العمل آرتیب بارماقده. 

بیرلشگن ملتلر تشکیلاتی عمومی منشی سی آنتونیو گوترش, اسرائیل هجوملریده, عادی اهالی نینگ خوفسیزلیگی نینگ تامین ایتیلیشی نینگ همه نرسه دن مهم ایکن لیگینی بیلدیردی. 

هر کون باله لرنینگ اولدیریلیاتگن و یره له نیاتگن غزه نینگ, باله لر اوچون بیر قبرستان گه ایله نیب قالگن لیگینی بیلدیرگن گوترش, "غزه ده گی انیق خلق ارا انسان حق لری اخلال لری بوییچه خواطرده میز" دییه قید ایتدی. 

منطقه ده زودلیک بیلن آتشکیسین نینگ اورنه تیلیشی کیره ک ایکن لیگینی بیلدیرگن گوترش, بیرلشگن ملتلر تشکیلاتی و اورتاق لری نینگ, غزه و غربی نوارده گی 2 میلیون 700 مینگ کیشی اوچون, بیر میلیارد دالر دن آرتیق بیر مقدار بشری یاردم اوچون چقیریق بیرگن لیگینی معلوم قیلدی.

اروپا اتفاقی کینگشی باشلیغی چارلز میشل هم اسرائیل نینگ, اوشبو اتفاق نینگ هردایم دوستی و متفقی ایکن لیگینی بیلدیریشی گه قره مسدن, عادی اهالی نینگ هدف قیلیب آلینمس لیگی اوچون هر خیل تدبیر نینگ آلینیشی بوییچه چقیریق بیردی. 

اوتگن هفته ده بولیب اوتگن اروپا اتفاقی رهبر لر ییغیلیشیده بحث موضوعی قیلگن بشری آتشکیسین چقیریغی نی تکرارله گن میشل, فقط گینه ایکّی دولت نینگ قوریلیشی و مذاکره آرقه لی کیلگوسیده قالووچی بیر تینچلیک نینگ اورنه تیله آله دیگن لیگینی معلوم قیلدی. 

ناتو عمومی منشی سی ینس استولتنبرگ هم غزه ده گی وضعیت بوییچه قیغولی ایکن لیک لرینی بیلدیردی. 

استولتبرگ, منطقه ده گی هجوملرده, عادی اهالی نینگ امنیتی نینگ تامین ایتیلیشی نینگ ضروری ایکن لیگینی بیلدیردی. 

الجزایر جمهوررئیسی عبدالمجید تبون ایسه, "اسرائیل نینگ, خلق ارا جزا محکمه سیده محاکمه قیلینیشی کیره ک" دییه قید ایترایکن, فلسطینلیک لر گه قرشی جرم لرنینگ اوزاق ییللردن بیری جزاسیز قالیشی نینگ ایندی اداققه ییتیشیشی نینگ ضروری ایکن لیگینی معلوم قیلدی.  

بیرلشگن عرب امیرلیک لری هم غزه نواریده کینگ کولملی بیر صحرا کسلخانه سی قوره دیگن لیگینی بیلدیردی. 

عینی دمده, اسرائیل نینگ غزه گه قره تیلگن هجوم لری آرتیدن 7- اوکتوبر دن بیری 6- مراتبه ییغیلیش اوتکزگن بیرلشگن ملتلر تشکیلاتی خوفسیزلیک کینگیشیده ینه کیلیشوو تامین ایتیله آلمه دی. 

اوشبو ییغیلیش امریکا قوشمه ایالتلری نینگ نیویورک شهریده مطبوعاتگه یاپیق بولیب اوتدی. 

ییغیلیش آرتیدن بیانات بیرگن امریکا قوشمه ایالتلری نینگ بیرلشگن ملتلر تشکیلاتی دایمی ایلچیسی نینگ اورینباسری رابرت وود, "حاضرچه بیر کیلیشوو بولمه دی" دییه قید ایتدی. 

وود, ییغیلیشده اوروش لرنینگ معطل قیلینیب بشری بیر آتشکیسین نینگ تامین ایتیلیشی نینگ کون ترتیبی گه کیلگن لیگی, لیکن, اوشبو توغریده کینگشده فرقلی فکر لرنینگ موجود ایکن لیگینی ایسله تیب اوتدی.