آنتونی بلینکن تورکیه گه کیله دی

امریکا قوشمه ایالتلری تشقی ایشلر وزیری آنتونی بلینکن تورکیه گه کیله دی. 

دیپلماتیک منبع لردن آلینگن معلوماتگه کوره, بلینکن نینگ 5- نوامبرده تورکیه گه کیله دیگن لیگی بیلدیریلدی. 

بلینکن, تورکیه گه کیلمسدن آلدین ینه اسرائیل و اردن گه سفر قیله دی. 

بلینکن, اسرائیل بیلن حماس اورته سیده 7- اوکتوبر کونی باشله گن اوروش آرتیدن اوچینچی مرته تل ابیت گه کیتگن بوله دی. 

امریکا قوشمه ایالتلری تشقی ایشلر وزیرلیگی سوزچیسی ماتئو میلر, بلینکن نینگ, جمعه کونی اسرائیل و اردن گه سفر قیله دیگن لیگینی بیلدیررایکن, "(بلینکن) اسرائیل نینگ خلق ارا انسانی حقوققه اویغون بیر شکلده اوزینی مدافعه قیلیش حقی نی حمایت قیله دیگن لیگی میزنی ینه بیر بار تکرارله یدی و عادی اهالی تلفاتی نینگ اینگ آز بولیشی اوچون کیره کلی تدبیر لرنینگ آلینیشی کیره ک ایکن لیگی دن تشقری, بشری یاردم لرنینگ تامین ایتیلیشی بوییچه فعالیت لر توغریسیده هم بحث ایته دی" دییه قید ایتدی. 

حماس نینگ قوراللی بولیمی دن عبارت عزالدین القسام لوا لری, 7- اوکتوبر کونی ایرته لب, اسرائیل نینگ, فلسطین لیک لر و مسجد الاقصی داخل مقدس ارزش لر گه قره تیلگن اخلال لری گه جواب قیتریش اوچون کینگ کولملی هجوم باشله ترایکن, اسرائیل اردوسی هم غزه نواری نی بمباردمان قیله باشله دی. 

اسرائیللیک مسئول لر, غزه دن اویوشتیریلگن هجوملرده 315 نفری عسکرلردن عبارت 1400 دن آرتیق اسرائیللیک نینگ حیاتینی یوقاتگن لیگینی بیلدیررایکن, 5 مینگ 132 کیشی نینگ ایسه یره لنگن لیگینی معلوم قیلدی. 

اسرائیل اردوسی سوزچیسی دانیال هاگاری, غزه ده القسام لوالری نینگ قولیده 240 نفر اسرائیل لیک اسیر نینگ موجود ایکن لیگینی بیلدیردی. 

غزه ده گی ساغلیق نی سقلش وزیرلیگی ایسه اسرائیل نینگ هجوملریده 8 مینگ 796 نفر فلسطینلیک نینگ حیاتینی یوقاتگن لیگی و 22 مینگ 219 کیشی نینگ ایسه یره لنگن لیگینی معلوم قیلدی.

وزیرلیک حیاتینی یوقاتگن لرنینگ 3 مینگ 648 کیشی سی نینگ باله لر و 2 مینگ 290 نفری نینگ ایسه عیال لردن عبارت ایکن لیگینی بیلدیردی.