یونان ده بلدیه لر سیلاوی بولیب اوتدی

یونان ده توناون کونی آلتی منطقه ده و 84 بلدیه ده بیرینچی تورده 43 فایزدن آرتیق رای آلالمه گن کاندیدلرنینگ منطقه لریده ایککینچی تور سیلاو بولیب اوتدی.

اقتدارده گی ینگی دموکرات جزبی بیرینچی تورده قولگه کیریتگن یوتوقنی ایککینچی تورگه قالگن منطقه لرده کورستیش گه موفق بولمه دی و آلتی منطقه نینگ بیش ته سینی قولدن بیردی. شونده ی بولیب آتن و سلانیک کبی بویوک بلدیه لرنی ایریملر قولگه کیریتدی.

باش وزیر کیریاکوس میچوتاکیس نینگ جیه نی بولمیش آتن بلدیه باشلیغی کوستاس باکویانیس ایککینچی تورده اوتیلدی. آتن د ه ینگی بلدیه باشلیغی 56 فایز رای بیلن هاریس دوکاس سیلندی.

غربی تراکیاده تورک تبار کاندیدلر یوتوق قولگه کیریتدی. شونده ی بولیب 3 ته بلدیه نی تورک کاندیدلر قازاندی.

ایسکچه ولایتی گه باغلیق مصطفچوه بلدیه سینی احمد کُرد قازانر ایکن، رودوف ولایتی گه باغلیق کوزلو بکر بلدیه سینی ایردم حسین و ینه رودوف ولایتی گه باغلیق یاسی قیشلاق بلدیه سینی جانر امام بیرینچی تورده یوتوق قازانیب بلدیه باشلیغی بولدی.