امریکا قوشمه ایالتلری مینگلب افغانستان وطنداشی گه قوریقلش مقامی بیره دی

امریکا قوشمه ایالتلری شوقت اولکه ده حیات کیچیره یاتگن 14 مینگ 600 نفر افغانستان وطنداشی گه وقتینچه لیک قوریقلش مقامی بیره جگیدن خبر بیردی.

امریکا قوشمه ایالتلری ایچکی خوفسیزلیک وزیرلیگی توناون کونی افغانستانلیک کوچمنلرگه تیگیشلی بیانات بیردی.

بیریلگن بیاناتگه کوره 2022 ییلی 15 مارچ – 2023 ییلی 20 سپتامبر تاریخلری آره سیده اولکه گه کیلگن افغانستان وطنداشی کوچمنلرگه وقتینچه لیک قوریقلش مقامی بیره دی.

شو دایره ده 14 مینگ 600 افغانستان وطنداشی اوشبو فرصتدن فایده لنه دی.

شونده ی بولیب امریکا قوشمه ایالتلریده شو وقت قوریقلش مقامیده بولگن 3 مینگ 100 نفر افغانستان وطنداشی نینگ مقامی 18 آی اوزه یتیریله دی.  

ایچکی خوفسیزلیک وزیری الیجندرو مایورکاس،

"وزیرلیک بو وقتینچه لیک انسانی یاردم واسطه سی بیلن افغانستان وطنداشلرینی قوللب – قوتلش گه دوام ایته دی." دیب ایتدی.

وزیرلیک توناون کونی شو وقت اولکه ده بولگن 472 مینگ ونزوئلالیک که هم وقتینچه لیک قوریقلش مقامی بیریلیشیدن خبر بیرگندی.