جنوبی کوریا – روسیه تشقی ایشلر وزیرلری اوزارا اوچره شوو اوتکزدی

جنوبی کوریا تشقی ایشلر وزیری پارک جین، روس کسبداشی سرگی لاوروف بیلن کوریا یریم آرالی معماسی و روسیه بیلن شمالی کوریا اورته سیده گی اوچره شوولرنی تیلگه آلدی.

جنوبی کوریا تشقی ایشلر وزیرلیگی نینگ انترنیت سایتی آرقه لی نشر قیلینگن بیانات گه کوره پارک هندوستان نینگ پایتختی ینگی دهلی ده اویوشتیریلگن جی 20 رهبرلر جلسه سی دایره سیده روسیه تشقی ایشلر وزیری لاوروف بیلن اوچره شگن.

پارک نینگ اوچره شووده کون ترتیبیده گی روسیه – شمالی کوریا اوچره شوولری و «حربی همکارلیک» ادعالریگه تماس قیلیب مناسبتلرنینگ بیرلشگن ملتلر تشکیلاتی خوفسیزلیک کینگشی قرارلریگه ماس» بولیشی کیره ک لیگینی اورغوله گن لیگی بیلدیریلدی.

بو مناسبتلرنینگ منطقه ده «تینچلیک و برقرارلیک که حصه قوشه دیگن شکلده" آلغه باریشی کیره ک لیگینی معلوم قیلگن پارک،

"بیرلشگن ملتلر تشکیلاتی خوفسیزلیک کینگشی نینگ دایمی بولمه گن بیر اعضاسی اوله راق تعیینلنگن تقدیرده روسیه بیلن شمالی کوریا مسئله سی قاله ویرسه خوفسیزلیک کینگشیده صمیمی همکارلیک دایره سیده ایشله ماقچی میز." دیب ایتگن.  

پارک ایککی اولکه اورته سیده گی مناسبت نینگ کوچه یتیریلیشی، جنوبی کوریانینگ روسیه ده گی وطنداشلری نینگ امنیتی و کوریالیک شرکتلرنینگ معمالریگه تیگیشلی روس تامانی بیلن مشترک ایشله ماقچی ایکن لیکلرینی معلوم قیلگن.