آلمان تشقی ایشلر وزیری آنالنا بربوک اوکراین گه تشریف بویوردی

آلمان تشقی ایشلر وزیری آنالنا بربوک, اوکراین پایتختی کیف گه تشریف بویوردی. 

امریکا قوشمه ایالت لری نینگ نیویورک شهریده گی بیرلشگن ملتلر تشکیلاتی عمومی کینگشی آلدی دن اولکه سی نینگ اوکراین نی قوللب- قوتله یاتگن لیگینی کورسه تیب بیریش مقصدی بیلن اوروش باشله گندن کیین 4- مراتبه کیف گه سفر قیلگن بربوک,  نینگ اوشبو سفری خوفسیزلیک سبب لری بیلن یشیریلدی.

اوروش نینگ باشله گنی دن 565 کون اوتگن لیگینی بیلدیرگن بربوک, "هر کون وحشت و اولیم دوام ایتماقده. اوکراین خلقی نینگ هر کون قیین چیلیککه دوچ کیلیب قالگن لیگی بیر حقیقت" دییه قید ایتدی.

بربوک, اوکراین نینگ قهرمانلیک و قرارلی لیک بیلن اروپا نینگ ایرکین لیگی نی مدافعه قیلیاتگن لیگینی ایسله تیب اوتدی.    

آلمان نینگ اقتصادی, حربی و بشری جهت دن اوکراین نی حمایت قیلیشدن واز کیچمه یدیگن لیگینی بیلدیرگن بربوک, اوکراینده تینچلیکدن باشقه نرسه خواهله مه گن لیک لری سببلی بونی قیلرایکن, کیله جک حقیده هم اویلیاتگن لیک لرینی معلوم قیلدی.

بربوک, روسیه جمهوررئیسی ولادیمیر پوتین نینگ, اوکراین ده "ترورچیلیک فعالیت لرینی یوریتگن لیگی نی" بیلدیررایکن, پوتین نینگ شونده ی قیلیب اوکراین خلقی نینگ مورالی نی بوزیب جسارتی نی آزه یتیریش نی هدف قیلیب آلگن لیگی گه دقت قره تدی. 

آنالنا بربوک, روسیه نینگ بمباردمان لری بیلن اوکراین ده گی انسان لر نی اولدیریش دن تشقری, اوکراین لیک باله لرنینگ کیله جگی نی هم قوللریدن آلیب قویگن لیگینی معلوم قیلدی.