امریکا قوشمه ایالتلری اوکراین گه حربی یاردم ییتکیزیب بیریلیشیدن خبر بیردی

امریکا قوشمه ایالتلری اوز ذخیره سیدن اوکراین گه 200 میلیون دالر ارزشیده حربی یاردم ییتکیزیب بیریشینی بیلدیردی.

امریکا قوشمه ایالتلری تشقی ایشلر وزیری انتونی بلینکن بیرگن یازمه بیاناتیده اوکراین گه بیریله دیگن حربی یاردم نینگ 200 میلیون دالردن عبارت ایکن لیگینی ایتدی.

مدافعه وزیرلیگی پینتاگون هم بو حربی پکیج نینگ پتریئوت هوا مدافعه سیستملری و آغیر راکت سیستمی (HIMARS) اوچون قوشیمچه مهمات قاله ویرسه ماین تمیزلش اسبابلری توپ و تانک مهماتلری کبی نرسه لرنی اوز ایچی گه الگن لیگینی معلوم قیلدی.

امریکا قوشمه ایالتلری دولتی روسیه بیلن اوکراین اورته سیده اوروش باشلب کیتگن 2022 ییلی فبروری آییدن بوگونگچه اوکراین گه 43 میلیارد دالردن آرتیق حربی یاردم ییتکیزیب بیرگن.