اکوادورده بیر قماقخانه ده قورال, مهمات و پارتلاوچی ماده لر تاپیلدی

اکوادورده دولت رهبرلیگی کاندیدی فرناندو ویلاویسنسیو نینگ قوراللی هجوم عاقبتیده حیاتینی یوقاتیشی آرتیدن اوشبو اولکه نینگ اینگ کتته شبکه سی بولگن "لوس چونیروس" نینگ باشلیغی نینگ قمه لگن قماقخانه گه 4 مینگ کیشی لیک خوفسیزلیک کوچ لریدن فایده له نیلیب باسیب کیریلدی.

اکوادور دولت رهبری گیرمو لاسو, اجتماعی ترماق آرقه لی بیرگن بیاناتیده, سوءقصد آرتیدن شبکه نینگ, "فیتو" لقبی گه ایگه باشلیغی ادولفو ماسیاس نینگ قمه لگن قماقخانه ده توناون خوفسیزلیک کوچ لری نینگ باریب کیریشی نتیجه سیده قوراللر, مهمات و پارتلاوچی ماده لرنینگ تاپیلگن لیگینی معلوم قیلدی.

لاسو, ماسیاس نینگ هم ینه ده امنیتلی باشقه بیر قماقخانه گه انتقال ایتدیریلگن لیگینی بیلدیردی. 

فرناندو ویلاویسنسیو نینگ اولدیریلیشی آرتیدن, آلدین دولت رهبری اورینباسری کاندیدی بولگن 36 یاشلی اندریا گونزالیز نادیر, Movimiento Construye حزبی نینگ ینگی دولت رهبری کاندیدی بولدی. 

ویلاویسنسیو نینگ عیالی ویرونیکا ساروز ایسه ایری نینگ اولدیریلیشی بوییچه دولت نینگ مسئول ایکن لیگینی معلوم قیلدی. 

اکوادور دولت رهبری کاندیدی فرناندو ویلاویسنسیو, 9- آگست کونی اویوشتیریلگن قوراللی بیر هجوم عاقتبیده حیاتینی یوقاتدی. 

تیرگاو دایره سیده اوشبو سوء قصد بیلن علاقه لی بولگن لیگی ادعاسی بیلن 6 نفر کلمبیالیک قولگه آلینگن ایدی.