اوکراینده روسیه نینگ راکت هجومی عاقبتیده کوپلب کیشی جان بیردی و یره لندی

روسیه نینگ, اوکراین نینگ کریوی ریگ شهری گه قره ته اویوشتیرگن راکت هجومی عاقبتیده حیاتینی یوقاتگن لر سانی 5 گه, یره لنگن لر سانی ایسه 73 نفر گه ییتدی. 

اوکراین جمهوررئیسی ولادیمیر زلنسکی, اجتماعی ترماق آرقه لی, روسیه نینگ توناون ایرته لب کریوی ریگ شهری گه قره ته اویوشتیرگن هجومی حقیده بیانات بیردی. 

روسیه راکت لری نینگ کیلیب توشگن جایده قیدیرو- قوتقرو فعالیت لری نینگ دوام ایتیاتگن لیگینی بیلدیرگن زلنسکی, اوشبو هجوم عاقبتیده بیش کیشی نینگ جان بیرگن لیگی و اونلب نفر نینگ ایسه یره لنگن لیگینی معلوم قیلدی.  

زلنسکی حیاتینی یوقاتگن کیشی لردن بیر نفری نینگ باله ایکن لیگینی بیلدیردی. 

کریوی ریگ مدافعه کینگشی باشلیغی الکساندر ویلکول هم اجتماعی ترماق آرقه لی بیرگن بیاناتیده, هجوم عاقبتیده یره لنگن کیشی لر سانی نینگ 73 نفر گه ییتگن لیگینی بیلدیررایکن, 8 نفری نینگ باله ایکن لیگینی معلوم قیلدی. 

زلنسکی, توناون ایرته لب بیرگن بیاناتیده, روس اردوسی نینگ کریوی ریگ و خرسون شهرلریده آپارتمان لر و بیر عالی بیلیم یورتی بنا سی نی اورگن لیگینی بیلدیررایکن, بعضی کیشی لرنینگ اولگن لیگی و یره لنگن لیگینی بیلدیرگن ایدی. 

اوکراین ایچکی ایشلر وزیری ایگور کلمینکو هم اجتماعی ترماق آرقه لی بیرگن بیاناتیده, هجومده بیر کیشی نینگ حیاتینی یوقاتگن لیگی و 10 نفر نینگ ایسه یره لنگن لیگینی معلوم قیلگن ایدی.