اسلام همکارلیک تشکیلاتی سویدن و دنمارکده قرآن کریم گه قیلینگن حرمتسیزلیک نی قتتیق قاره له دی
اوشبو توغریده اسلام همکارلیک تشکیلاتی تامانیدن یازمه بیانات بیریلدی
اسلام همکارلیک تشکیلاتی, قرآن کریم گه قیلینگن حرمتسیزلیک بوییچه راحتسیزلیک نینگ بیلدیریلیشی اوچون اروپا اتفاقی کمیسیونی گه هیئت یوباریش گه قرار قیلدی.
قرآن کریم گه قیلینگن حرمتسیزلیک بیلن علاقه لی بحث ایتیش اوچون توناون بولیب اوتگن اسلام همکارلیک تشکیلاتی 18- فوق العاده تشقی ایشلر وزیرلری ییغیلیشی آرتیدن بیریلگن یازمه بیانات اوشبو تشکیلات نینگ صفحه سیده ترقه تیلدی.
بیاناتده, سویدن و دنمارکده قرآن کریم گه تکرار قیلینگن حرمتسیزلیک نینگ قتتیق قاره لنگن لیگی بیلدیریلدی.
اسلام همکارلیک تشکیلاتی نینگ, سوز ایرکین لیگی بهانه سی بیلن قیلینگن بونده ی حرکت لرنینگ تکرار له نیشی نینگ آلدینی آلیش اوچون تدبیر لر آلیش مقصدی بیلن اروپا اتفاقی کمیسیونی گه هیئت یوباریش گه قرار قیلگن لیگی معلوم قیلیندی.
بیاناتده, اسلام همکارلیک تشکیلاتی اعضاسی اولکه لر, قرآن کریم گه حرمتسیزلیک قیلینگن اولکه لر بیلن بولگن مناسبت لری حقیده قیته باشدن اویله ش گه چقیریلدی.
اوشبو دایره ده اعضا لر دن, سویدن و دنمارکده گی ایلچی لرینی مشوره اوچون اوشبو اولکه لر گه چقیریش داخل بعضی سیاسی فعالیت لرنی عملگه آشیریشی طلب قیلیندی.
عینی دمده بیاناتده, مسلمان لر و اسلام نینگ مقدس سمبول لری گه قره تیلگن چیرگنچ هجوم لرنینگ چقور بیر شکلده تیکشیریلیشی اوچون اسلام همکارلیک تشکیلاتی اجرا کینگشی نینگ اسلام هراسلیک حقیده ییغیلیش اوتکزیشی بوییچه چقیریق بیریلدی.
توناون, اسلام همکارلیک تشکیلاتی نینگ انترنت آرقه لی بولیب اوته یاتگن ییغیلیشی جریانیده سویدن و دنمارکده ینه قرآن کریم گه قرشی حرمتسیزلیک قیلینگن ایدی.
اسلام همکارلیک تشکیلاتی 18- فوق العاده تشقی ایشلر وزیرلری کینگشی ییغیلیشیده تورکیه جمهوریتی تشقی ایشلر وزیری هاکان هم معروضه قیلدی.
علاقه لی ینگی لیکلر
آذربایجان بیلن ارمنستان اورته سیده تینچلیک اوچره شوولری بولیب اوتماقده
اوشبو اوچره شوولرگه قزاقستان نینگ آلماتا شهری میزبانلیک قیلماقده
سنگال ده بیر اوچاق نینگ یولدن چیقیب کیتگن لیگی بیلدیریلدی
یولدن چیقیب کیتگن اوشبو اوچاقده اونلب کیشی بارلیگی بیلدیریلدی