سوریه ده پارتلش عاقبتیده کوپلب کیشی جان بیردی و یره لندی

سوریه پایتختی دمشق ده, بیر موترسایکل گه جایلشتیریلگن بمب نینگ پارتلب کیتیشی عاقبتیده 6 کیشی حیاتینی یوقاتدی, 23 نفر ایسه یره لندی. 

سوریه ده خبر آژانسی SANA ایچکی ایشلر وزیرلیگی منبع لری نینگ ایتگن گپ لری گه اساساً بیرگن خبریده, توناون کیچکی پیتده دمشق نینگ سیده زینب منطقه سیده, موترسایکل گه جایلشتیریلگن بمب نینگ پارتلب کیتگن لیگینی بیلدیردی.

حادثه عاقبتیده 6 کیشی نینگ حیاتینی یوقاتگن لیگی و 23 نفر نینگ ایسه یره لنگن لیگی بیلدیریلدی. 

خبرده, حادثه محلی گه پولیس و اطفائیه تیم لری بیلن امبولانس واسطه لری نینگ یوباریلگن لیگی معلوم قیلیندی. 

حاضرچه اوشبو حادثه نینگ مسئولیتی نی ایسه هیچ بیر تامان اوز بوینی گه آلمه گن.