عراق نینگ شمالیده تورکیه استخباراتی نینگ عملیاتی نتیجه سیده بیر نفر ترورچی یوق قیلیندی

تورکیه جمهوریتی استخبارات اداره سی نینگ, عراق نینگ شمالیده گی سنجار منطقه سیده اویوشتیرگن عملیاتده ترور تشکیلاتی پ.ک.ک/کا جی کا نینگ سوزده سنجار ایالت مسئول لری دن بیری بولگن مسعود جلال عثمان یوق قیلیندی.

خوفسیزلیک منبع لری نینگ ایتیشیچه, تورکیه استخبارات اداره سی, سوریه ده گی یاشلر نی کوچدن فایده له نیب ترور تشکیلاتی گه قوشه یاتگن و تورک امنیتی کوچلر گه قره ته اویوشتیریلگن هجوم لرنینگ امرینی بیرگن زاگروس چیکدار لقبلی مسعود جلال عثمان نینگ میلادی 2018- ییلده سوریه دن عراققه اوتگن لیگینی انیقله دی. 

ترور تشکیلاتی پ.ک.ک/کا جی کا نینگ سوزده سنجار ایالت مسئول لری دن بیری بولگن مسعود جلال عثمان نینگ, منطقه ده اوز کوچی نی قولدن بیره یاتگن ترور تشکیلاتی تامانیدن تعینلنگن لیگی انیقلندی. 

محلی خلققه زوروانلیک قیله یاتگن عثمان, سنجار ده ترور تشکیلاتی نینگ بیر ییغیلیشی گه اشتراک قیلیش اوچون کیته یاتگن پیتده تورکیه استخبارات اداره سی تامانیدن اویوشتیریلگن بیر عملیات نتیجه سیده یوق قیلیندی.