تورکیه تشقی ایشلر وزیری ناقانونی مهاجرت توغریسیده بیانات بیردی

تورکیه جمهوریتی تشقی ایشلر وزیری هاکان فیدان, آقدینگیز اولکه لری نینگ دوچ کیلیاتگن اورتاق معما اوله راق بهالنتیرگن ناقانونی مهاجرت گه قرشی کوره شده, منطقه مقیاسیده گی همکارلیک نینگ مهم ایکن لیگینی معلوم قیلدی. 

فیدان, توناون, ایتالیا باش وزیری جورجا ملونی نینگ میزبانلیگی بیلن روم ده بولیب اوتگن خلق ارا رواجله نیش و مهاجرت کنفرانسی گه اشتراک ایتدی. 

مطبوعاتگه یاپیق بولیب اوتگن اوشبو کنفرانسده فیدان هم معروضه قیلدی. 

دیپلماتیک منبع لردن آلینگن معلوماتگه کوره, ناقانونی مهاجرت نینگ آقدینگیز اولکه لری نینگ اورتاق معماسی دن عبارت ایکن لیگی نی معلوم قیلگن فیدان, اوشبو قیین چیلیککه قرشی منطقه مقیاسیده همکارلیک نینگ مهم ایکن لیگینی بیلدیردی. 

مهاجرت نینگ توخته تیلیشی نینگ اهمیتی گه دقت قره تگن فیدان, بونینگ اوچون کیلیشمووچیلیک لر و اقتصادی قیین چیلیکلرنینگ یوق ایتیلیشی کیره ک ایکن لیگینی ایسله تیب اوتدی. 

فیدان, اولکه لرنینگ مسئولیت لرنی بولیشیب آلیشی نینگ مهم ایکن لیگینی معلوم قیلرایکن, برچه اولکه لرنی انسان لر گه ضرر ییتکزمسلیک اوچون چیت ایللیک لر گه دشمنلیک و نفرت جرم لری نینگ آلدینی آلیش و یخشی نیت فرهنگی نی رواجلنتیریش گه چقیردی.