امریکا قوشمه ایالتلری تشقی ایشلر وزیری تورکیه گه ف -16 اوچاقلری نینگ بیریلیشی توغریسیده بیانات بیردی

امریکا قوشمه ایالتلری تشقی ایشلر وزیری انتونی بلینکن تورکیه نینگ مودرنلشتیریلگن ف-16 اوچاقلریگه ایگه بولیشی نینگ امریکا قوشمه ایالتلری و ناتونینگ منفعتیده ایکن لیگینی ایتدی.

بلینکن ناتو جلسه سی اوچون کیلگن لیتوانیانینگ پایتختی ویلنیئوس ده امریکانینگ MSNBC تلویزیونی گه بیرگن بیاناتده تورکیه گه ف-16 اوچاقلری نینگ بیریلیشی و بونینگ امریکا قوشمه ایالتلری کنگره سی تامانیدن قبول بولیب چیقیشی توغریسیده گی سواللرگه جواب قیتردی.

امریکا قوشمه ایالتلری تشقی ایشلر وزیری،

" تورکیه نینگ مودرنلشتیریلگن ف-16 اوچاقلریگه ایگه بولیشی امریکا قوشمه ایالتلری و ناتونینگ منفعتیده دیر. عموماً بیز اتفاقده قیلگن نرسه انه شو. اتفاق نی ممکن درجه کوچه یتیریش اوچون برچه اعضالرنینگ احتیاجی بولگن تکنالوجی گه ایکه ایکن لیگیدن امین بولیش دیر" دیدی.

انتونی بلینکن تورکیه گه ف-16 اوچاقلری نینگ ساتیشی خصوصیده کنگره نینگ ایککی مجلسی نینگ اعتراض بیلدیریشی گه قنداغ قیلیب ییچیم تاپیله جگی توغریسیده گی سوالگه شو جواب نی بیردی:

بولر بیز اوچون هردایم فرقلی موضوعلر بولگن دیر. سویدن نی ناتوگه کیریتیش جریانی، تورکیه نینگ آلغه باریش نی قبول قیلیشی بیلن دوام ایتماقده. عین دمده تورکیه نینگ مودرنلشتیریلگن ف-16 لرگه ایگه بولیشی بو سیاست نینگ بیر پارچه سی دیر" دیب جواب بیردی.

تورکیه نینگ ناتو اتفاقی نینگ بیر پارچه سی ایکن لیگینی تاکییدله گن بلینکن،

"ناتو اتفاقی نینگ بوتونله ی ایشلشی، تورکیه نینگ بو تکنالوجی گه ایگه بولیشی جوده مهم دیر" دیب ایتدی.