اوکراین کوچلری نینگ جبهه ده آلدین قره ب باراتگن لیگی بیلدیریلدی
اوکراین کوچلری بیر ییتکچیسی جبهه ده گی سونگگی وضعیت حقیده بیانات بیردی
اوکراین ییر کوچلری قومندانی الکساندر سیرسکی بحموت تامانی گه قره ب آلدین باراتگن لیکلرینی ادعا ایتدی.
سیرسکی اجتماعی ترماق آرقه لی بیرگن بیاناتده شرق جبهه سیده وضعیت حقیده گپیردی.
بحموت تامانده «روسلرنی یوق قیلیب تشلش گه» دوام ایتگن لیکلرینی قید ایتگن سیرسکی
"مدافعه کوچلریمیز آلدین گه قره ب بارماقده. اولرنی هوادن ییردن اوره میز." دیب ایتدی.
اوکراین مدافعه وزیری اورینباسری اننه مالیار هم اجتماعی ترماق آرقه لی بیرگن بیاناتده بوگون اوکراین کوچلری نینگ شرق جبهه سیگه قرشی تعروض عملیاتلری آلیب بارگن لیگینی معلوم قیلدی.
مالیار توقنه شوولرنینگ دوام ایتیب تورگن لیگینی قید ایتدی.
شونده ی بولیب روس اردوسی نینگ کیچه لب اوکراین نینگ پایتختی کیف گه قره ته راکت اورگن لیگی 20 ته هدف نینگ بوتونله ی هواده یوق قیلیب تشلنگن لیگی بیلدیریلدی.
کیف شهری حربی اداره سی باشلیغی سرگی پوپکو اجتماعی ترماق آرقه لی بیرگن بیاناتده یوق قیلینگن راکت پرچه لری نینگ شهرنینگ دیسنیان منطقه سیده برق کیبللری بیلن بیر مارکیت نینگ پنجره لریگه زیان ییتکیزگن لیگینی معلوم قیلیب تلفات ویا یره لی حقیده حلی گچه معلومات یوق لیگینی قید ایتدی.
