بیرلشگن ملتلر تشکیلاتی باش کاتبی سوزچیسی ستفان دوجاریک روسیه – اوکراین اوروشی بوییچه بیانات بیردی

بیرلشگن ملتلر تشکیلاتی اوکراین ده توقنه شوولرنینگ اداغگه ییتکیزیلیشی اوچون برچه نینگ بوینی گه مسؤلیت بارلیگینی بیلدیردی.

بیرلشگن ملتلر تشکیلاتی باش کاتبی سوزچیسی ستفان دوجاریک کونده لیک مطبوعاتی کنفرانسده جنوبی افریقانینگ اوکراین ده تینچلیک اورونیشلری بیلن تیگیشلی سوالگه جواب قیتردی.

دوجاریک جنوبی افریقا جمهور باشلیغی سیریل رامافوزا نینگ تشبثی بیلن تیگیشلی بیرلشگن ملتلر تشکیلاتی باش کاتبی انتونیئو گوترش گه قونغراق قیلیب معلومات بیرگن لیگینی بیلدیردی.

"یخشی نیتلی اولکه لرنینگ کیره ک بولگن نی قیلگن لیگینی کوره یاپمیز. بونگه شاشیله دیگن بیر وضعیت یوق. برچه نینگ بوینی گه مسؤلیت بار" دیب ایتدی دوجاریک.

شونده ی بولیب باش کاتب نینگ هم بوینی گه توشگن مسؤلیت نی ادا قیلگن لیگینی تاکییدله دی.

دوجاریک برچه نینگ اوکراین ده گی توقنه شوونینگ بیرلشگن ملتلر تشکیلاتی شرطلری، تیگیشلی قرارلر و خلق ارا قانون دایره سیده اداغگه ییتیب باریشینی خواهله گن لیگی گه دقت تارتدی.

جنوبی افریقا جمهور باشلیغی سیریل رامافوزا 6 ته افریقا اولکه سی رهبری نینگ روسیه – اوکراین اوروشینی اداغگه ییتکیزیلیشیده گی اورونیشلر دایره سیده بیر تینچلیک جریانی ایجاد ایته جگینی بیلدیرگندی.

جنوبی افریقا جمهور باشلیغی سیریل رامافوزا آلیب بارگن تیلفون سوزلشوولریده روسیه دولت باشلیغی ویلادیمیر پوتین بیلن اوکراین جمهور باشلیغی ولودیمیر زلنسکی گه افریقا رهبرلری نینگ تینچلیک وظیفه سی تاپشیرگن لیگینی ایککی دولت رهبری نینگ هم تینچلیک وظیفه سی تکلیفینی قبول ایتگن لیگینی بیلدیرگندی.