اسرائیل سوریه پایتختی دمشق ده هوا هجومی اویوشتیرگن

بشار الاسد رژیمی, اسرائیل نینگ, سوریه پایتختی دمشق ده بیر منطقه ده هوا هجومی اویوشتیرگن لیگینی ادعا ایتدی. 

بشار الاسد رژیمی نینگ خبر آژانسی بولمیش SANA نینگ خبرگن خبریده, محلی وقت بیلن ساعت 00.15 ده دمشق نینگ چیککه حدود لریده گی بیر نقطه نینگ اسرائیل تامانیدن اوریلگن لیگی ادعا ایتیلدی. 

حادثه عاقبتیده 2 نفر عادی اهالی نینگ اولگن لیگی ادعا ایتیلگن خبرده, "هوا مدافعه سیستم لری میز دشمن نینگ راکتلری دن بعضی لرینی تاثیرسیز وضعیت گه کیتردی.  اوشبو هجوم خساره گه سبب بولدی" دییه قید ایتیلدی. 

اوشبو حادثه بوییچه اسرائیل مقام لری تامانیدن ایسه بیانات بیریلمه دی. 

دمشق و چیککه حدود لریده گی منطقه لرده, رژیم اردوسی دن تشقری ایران انقلاب محافظ لری حمایه سی آستیده گی ترورچی گروه لر و اینیقسه لبنبان ده گی حزب الله عنصر لری نینگ موجود ایکن لیگی بیلینماقده. 

اسرائیل, ایچکی اوروش نینگ باشله گن میلادی 2011- ییلدن بیری سوریه ده ایریم پیتلرده ایران حمایه سیده گی گروه لر و رژیم گه عاید حربی هدف لر گه قره ته هوا هجومی اویوشتیریب کیلماقده.