مصر جمهور باشلیغی ایتالیا تشقی ایشلر وزیرینی قبول قیلیب اوچره شدی

مصر جمهور باشلیغی عبدالفتاح السیسی اولکه سیگه تشریف بیورگن ایتالیا تشقی ایشلر وزیری انتونیو تجانی نی قبول قیلیب خلق ارا و منطقوی موضوعلر بوییچه اوچره شوو اوتکزدی.

مصر جمهور رئیسلیگیدن بیریلگن یازمه بیاناتگه کوره، السیسی رسمی سفر آرقه لی قاهره گه تشریف بیورگن ایتالیا تشقی ایشلر وزیری تجانی نی قبول قیلیب اوچره شگن.

تجانی نینگ مصر سفرینی ممنونیت بیلن کوتیب آلگن لیکلرینی معلوم قیلگن السیسی ایککی اولکه نی بیر بیری بیلن باغله گن تاریخی مناسبت نینگ اهمیتینی و ایتالیا بیلن بولگن مناسبت نینگ تورلی سویه ده کوچه یتیریلیشیده اوزلری بیرگن اهمیت نی تاکییدله گن.

ایتالیا تشقی ایشلر وزیری تجانی هم اولکه سی نینگ مصر بیلن بولگن مناسبتلری قاله ویرسه مشترک اهمیت گه سزاوار منطقوی موضوعلرده موجود علاقه نینگ رواجلنتیریش آرزوسیده ایکن لیگینی تیلگه آلگن.

اوچره شووده صنایع، انرژی خوفسیزلیگی، زراعت ساحه سیده همکارلیک قاله ویرسه ناقانونی کوچ و تروریزم گه قرشی کوره ش موضوعلری هم بحث بولگن.