سویدن باش وزیری: تورکیه تامانیدن قبول قیلیب آلینه دیگن قرارگه حرمت قیله میز

سویدن باش وزیری اولف کریسترسون ناتو اعضالیگی توغریسیده تورکیه تامانیدن قبول قیلیب آلینه دیگن قرارگه حرمت قیله جکلرینی ایتدی.

اولف کریسترسون پایتخت ستکهلمده اروپا بیرلیگی کینگش باشلیغی چارلز میشل بیلن اوچره شدی.

اوچره شوونینگ آرتیدن اویوشتیریلگن مشترک مطبوعاتی کنفرانسده ناتو مذاکره لری نینگ تورکیه بیلن نورمال بیر شکلده دوام ایتیب تورگن لیگینی معلوم قیلگن کریسترسون "تورکیه نینگ سویدن نینگ ناتو اعضالیگینی تصدیقلش توغریسیده اولمیلی نقطه ده ایکن لیگینی اویله یمن. نهایتده تورکیه قرار بیره دی" دیب ایتدی.

28 ناتو اولکه سی نینگ سویدن نینگ ناتوگه اعضالیگینی تصدیقله گن لیگینی ایسله تیب اوتگن کریسترسون "هر اولکه نینگ تصدیقلش جریانی گه حرمت قیله میز. سویدن و فینلند تورکیه بیلن (جون آییده گی ناتو جلسه سیده قول قوییلگن) اوچ تامانلیک بیتیم ده گی تعهدلرنی بجا کیلتیرماقده. تورکیه تامانیدن سویدندن طلب ایتیلگن تسلیم بیریش موضوعیده ایسه بوندن آلدین هم ایتگندیک قضا قرار بیره دی. تورکیه تامانیدن بیز اوچون بیریله دیگن قرارگه حرمت قیله من" دیدی.