روس اردوسی تامانیدن خارکیف گه قره ته هجوم اویوشتیریلدی

روس اردوسی تامانیدن خارکیف منطقه سیده جایلشگن کوپیانسک تومنی گه باغلیق شفشنکوف قصبه سیده اویوشتیریلگن راکت هجومی عاقبتیده بیر کیشی حیاتینی یوقاتدی 7 کیشی یره لندی.

اوکراین دولت رئیسلیگی دفتری باشلیغی اورینباسری کیریلو تیموشنکو، تلگرام آدرسی آرقه لی روس کوچلری تامانیدن شفشنکوف منطقه سیگه قره ته اویوشتیریلگن هجومده اوریلگن راکتلرنینگ بیر بازارگه توشگن لیگینی ایتدی.

هجوم عاقبتیده 60 یشر بیر خاتین نینگ حیاتینی یوقاتگن لیگینی و 7 ته تینچ اهالی نینگ یره لنگن لیگینی معلوم قیلگن تیموشنکو، حادثه نینگ جاییگه قیدیروو و قوتقروو فعالیتلری نینگ دوام ایتیب تورگن لیگینی افاده ایتدی.

تیموشنکو، خوددی شو هجوم نینگ س-300 آرقه لی عملگه آشیریلگن لیگینی تخمین ایتگن لیکلرینی معلوم قیلدی.

خارکیف منطقه سی حربی باشقرووی باشلیغی (شهر حاکمی) اولیگ سینگوبوف ده اوشبو هجومده یره لنگنلر ایچیده 13 یشر بیر قیز باله نینگ بارلیگینی بیلدیردی.