اسرائیل سوریه پایتختی دمشق ده هوا هجومی اویوشتیردی

اسرائیل نینگ سوریه پایتختی دمشق هوا قونلغه سی گه قرشی اویوشتیرگن هوا هجومی عاقبتیده سوریه رژیمی نینگ ایکّی عسکری نینگ اولگن لیگی بیلدیریلدی. 

سوریه خبر آژانسی SANA نینگ نظامی منبع لر گه تَیَنتیریب بیرگن خبریده, اسرائیل نینگ محلی وقت بیلن ساعت 02.00 ده دمشق هوا قونلغه سی گه قره ته هجوا هجومی اویوشتیرگن لیگی ادعا ایتیلدی. 

هجوم عاقبتیده ایکّی عسکر نینگ اولگن لیگی بیلدیریلگن خبرده, هوا قونلغه سی نینگ استفاده ایتیله آلمه یدیگن بیر وضعیت گه کیلگن لیگی معلوم قیلیندی. 

پایتخت دمشق و چیککه حدود لریده, سوریه رژیمی اردوسی دن تشقری, ایران انقلاب محافظ لری نینگ امری ده گی تروریست گروه لر و اینیقسه لبنان نینگ حزب الله عنصر لری نینگ هم موجود ایکن لیگی بیلینماقده. 

بشارالاسد رژیمی, 20- دسامبر کونیده هم اسرائیل کوچ لری نینگ دمشققه قره ته هجوم اویوشتیرگن لیگی نی ادعا ایتگن ایدی. 

عموماً آلیب قره گنده اسرائیل مقام لری, سوریه توپراق لری گه قره تیلگن هجوم لر بیلن علاقه لی بیانات بیرمسلیککه حرکت قیله دی. 

اسرائیل, ایچکی اوروش لرنینگ باشلب کیتگن میلادی 2011- ییلدن بیری سوریه ده ایریم پیتلرده ایران نینگ حمایه سیده گی گروه لر و بشار الاسد رژیمی گه عاید حربی نقطه لرنی اورماقده.