پسکوف: تورکیه نینگ سوریه نینگ شمالیده عملیات اویوشتیریش گه حقی بار

روسیه جمهوررئیسلیک قصری کرملین سوزچیسی دمیتری پسکوف, سوریه نینگ شمالیده عملیات اویوشتیریش نینگ تورکیه نینگ قانونی حقی دن عبارت ایکن لیگی نی بیلدیردی.

تورکیه جمهوریتی جمهوررئیسی رجب طیب اردوغان نینگ, "روسیه نینگ سوریه بیلن علاقه لی مسئولیت لری نی بجا کیترمه گن لیگی" بوییچه سوز لری نی بهالنتیرگن پسکوف, تورکیه بیلن روسیه نینگ, سوریه ده گی وضعیت و سوچی کیلیشووی ده گی مسئولیت لر بیلن علاقه لی سیاست لری ده "کیچیک فرقلر نینگ" موجود ایکن لیگی نی معلوم قیلدی. 

اوشبو خصوص لرده جمهوررئیس اردوغان بیلن روسیه جمهوررئیسی ولادیمیر پوتین اورته سیده بیر نیچه مراتبه صحبت بولیب اوتگن لیگی نی بیلدیرگن پسکوف, "تورکیه بیلن مناسبت لرنینگ دوستانه و اورتاق لیک سویه سیده ایکن لیگی, اوشبو کیلیشمووچیلیک لر باره سیده انیق و مثبت مشوره لرنینگ بولیشی اوچون شرایط تامین ایتیب بیرماقده" دییه قید ایتدی. 

پسکوف, تورکیه نینگ, سوریه نینگ شمالیده گی ترورچی لر گه قره ته اویوشتیرگن پنجه- قلیچ عملیاتی باره سیده بیرگن بیاناتیده ایسه اوز سوز لری نی, "تورکیه نینگ اوز خوفسیزلیگی بیلن علاقه لی قیغولری نی درک ایتیب بونگه حرمت کورسه ته میز.  بونینگ تورکیه نینگ قانونی حقی دن عبارت ایکن لیگی نی اویله ماقده میز" شکلیده دوام ایتتیردی.