انگلستان کوچلری افغانستانده حربی عملیات اوتکزگن پیتده حیاتینی یوقاتگن باله لر اوچون تاوان تووله گن

انگلیس کوچلری افغانستانده 2006 – 2014 ییللریده قتنشگن حربی عملیاتلرده 64 الی 135 ته باله نینگ اولگن لیگی بیلدیریلدی.

قوراللی خشونت گه قرشی حرکت (AOAV) آتیده گی موسسه قولگه کیریتگن معلوماتگه کوره، انگلستان مدافعه وزیرلیگی اولراق 16 ته باله نینگ اولیمی اوچون تاوان تووله گن لیگینی قبول ایتگن بیراق بو سان شو وقت 64 گه ییتگن وضعیتده.

حیاتینی یوقاتگن باله لر سانی نینگ 135 گه ییتیشی ممکن ایکن لیگی گه دقت تارتیلگن راپورده بونینگ سببی نینگ اولیملرنینگ بیر قطاری نینگ وزیرلیک حجتلریده فقط «اوغیللری و قیزلری» ایتیب ثبت قیلینگن لیگی شونده ی بولیب یاشلری و اولیم شرطلری حقیده کینگ معلومات گه اورین بیریلمه گن لیگی دیب کورسه تیلگن.

مرکزی انگلستانده بولمیش AOAV نینگ 2006 – 2014 ییللری بیلن تیگیشلی قولگه کیریتگن معلوماتلرده هوا هجوملری و هر تامانگه بولگن اوق اوزیشلری نینگ اینگ کوپ اولیم گه سبب بولگن لیگی بیلدیریلدی.

حیاتینی یوقاتگن باله لر اوچون اورته چه 1656 سترلین تاوان توولنگن لیگینی یوزه گه چیقرگن AOAV حق طلب ایتگنلرنینگ پول توولمسدن آلدین عموماً توغیلگنلیک حقیده گی گواهنامه و قوشیمچه حجتلر بیریشلری طلب قیلینگن لیگی قید ایتیلدی.