آوسترالیاده مینگلب اوی – جای سوو آستیگه قالیب کیتگن

آوسترالیانینگ جنوب – شرقیده یوز بیرگن کوچلی یاغینگرچیلیک طفیلی مینگلب اوی – جای نینگ سوو آستیگه قالیب کیتگن لیگی بیلدیریلدی.

عاجل وضعیت باشقرووی وزیری موری وات بیرگن بیاناتده، سوو تاشقینلری اینگ کوپ تاثیر قالدیرگن ویکتوریا ایالتیده بعضی بیر منطقه لرده "کوچلی سوو تاشقینلری" یوز بیرگن لیگینی قید ایتدی.

ایالتده وضعیت نینگ جدی ایکن لیگینی معلوم قیلگن وات، 34 مینگ اطرافیده اوی – جای نینگ سوو آستی گه قالگن لیگی نینگ ممکن ایکن لیگینی افاده ایتدی.

اولکه نینگ جنوب – شرقیده مینگلب کیشی نینگ تخلیه قیلینگن لیگی شونده ی بولیب مکتبلرنینگ تعطیل قیلینگن لیگی معلوم قیلیندی.

ویکتوریا ایالت عاجل وضعیتلر باشقرووی ییتکچیسی تیم ویبوش، اوتگن کونی کمپاسپ دریاسی نینگ تاشیب کیتیشی بیلن روچستر قصبه سی نینگ 85 فایزی نینگ سوو آستیگه قالگن لیگی ممکن ایکن ایکن لیگینی ایتدی.

اوتگن هفته لرده ویکتوریا و ینگی جنوبی گالر ایالتیده سوو تاشقینلری طفیلی ایککی کیشی حیاتینی یوقاتر ایکن ایککی کیشی نینگ لادرک بولگن لیگی بیلدیریلگندی.