اردوغان: او بایدن بولسه مین هم اردوغان من

بیرلشگن ملتلر تشکیلاتی 77- عمومی کینگشی ییغیلیشی اوچون امریکا قوشمه ایالتلری نینگ نیویورک شهری گه تشریف بویورگن تورکیه جمهوریتی جمهوررئیسی رجب طیب اردوغان, ژورنالیست لرنینگ "امریکا دولت رهبری جو بایدن بیلن اوچره شیش نی خواهله یسیز می؟" دیگن سئوالی گه, "نیگه؟ او بایدن بولسه, مین هم اردوغان من" دییه جواب قیتردی. 

جمهوررئیس اردوغان, خوددی شوو ییرنینگ اوزیده امریکا دن اف- 16 اوچاق لری آلینیشی بوییچه هم ایریم اوچره شوو لر اوتکزماقده.

اردوغان, بیرلشگن ملتلر تشکیلاتی عمومی منشی سی آنتونیو گوترش بیلن اوچره شیشی آلدی دن بیر ژورنالیست نینگ, اف- 16 اوچاغی حقیده گی بیر سئوال گه جواب قیتردی. 

جمهوررئیس اردوغان امریکالیک سناتور لردن اف- 16 اوچاق لری بیلن علاقه لی ایجابی جواب آلگن لیگی نی بیلدیردی. 

بایدن نینگ دعوتی گه اشتراک قیله دیگن لیگی نی بیلدیرگن اردوغان گه, "امریکا قوشمه ایالتلری دولت رهبری بایدن بیلن اوچره شیش نی خواهلر می ایدینگیز, یکّه مه یکّه شکلده" دیگن بیر سئوال بیریلدی.

اردوغان اوشبو سئوال گه, "نیگه؟ او بایدن بولسه, مین هم اردوغان من" دییه جواب قیتردی. 

اردوغان نینگ اوشبو جوابی, اجتماعی ترماق آرقه لی کوپلب کیشی تامانیدن کوزه تیلدی و ترقه تیلدی.