بورکینافاسوده اویوشتیریلگن هجوم عاقبتیده اونلب کیشی جان بیردی

بورکینافاسوده اویوشتیریلگن تروریستیک هجومی عاقبتیده 35 نفر تینچ اهالی حیاتینی یوقاتدی.

حکومت تامانیدن بیریلگن یازمه بیاناتده، پایتخت واگادوگوگه قره ب یولگه چیققن تداریک قطاری اوته دیگن پیتده یولگه اورنه تیلگن ماین نینگ پارتلب کیتگن لیگی بیلدیریلدی.

پارتلش عاقبتیده قطارده گی 35 کیشی نینگ حیاتینی یوقاتگن لیگی، 37 کیشی نینگ یره لنگن لیگی معلوم قیلیندی.

قوشنی اولکه مالیده گی القاعده و داعش ترور تشکیلاتلری بیلن علاقه لی تروریست جنگریلر، 2015 دن بوگونگچه بورکینافاسونینگ شمالیده و شرقیده هجوم اویوشتیرماقده.

رسمی راپورلرگه کوره، 2015 دن دسامبر آییگچه بولگن باسقیچده بو هجوملرده 600 دن آرتیق خوفسیزلیک کوچی بیلن بیر قطارده 2 مینگ کیشی حیاتینی یوقاتدی.