انگلستانده لیز تراس ینگی باش وزیر ایتیب سیلندی

انگلستانده اقتدارده گی محافظه کار حزبی نینگ ییتکچیسی ایتیب سیلنگن لیز تراس Liz Truss اولکه نینگ ینگی باش وزیری بولدی.

حزبده گی رهبرلیک سیلاوی و رهبرلرنینگ وظیفه دن چیتلنتیریلیشی جریانلرینی باشقرووچی ارگان بولمیش "1922 کینگشی" باشلیغی ملت وکیل سر گراهام بردی، پایتخت لندنده جایلشگن قرالیچه (ملیکه) 2- الیزابت کنفرانس مرکزیده حزب سیلاویده اعضالر بیرگن اویلرنینگ نتیجه لرینی اعلان قیلدی.

شونده ی بولیب حزب سیلاوی نتیجه سیده لیز تراس 81 مینگ 326 اوی آلرکن، رقیبی ریشی سوناک 60 مینگ 399 رای قولگه کیریتدی.

بو نتیجه بیلن محافظه کار حزبی ییتکچیسی ایتیب سیلنگن تراس عین دمده اولکه نینگ هم ینگی باش وزیری ایتیب سیلندی.

شونده ی بولیب باش وزیر بوریس جانسون ایرته گه قرالیچه 2 الیزابت گه استعفاء سینی تقدیم ایتگندن کیین تراس قرالیچه دن ینگی حکومت نی قوریش وظیفه سینی قولگه کیریتیب آله دی.

تراس نینگ ایرته گه ینگی کابینه سینی اعلان قیلیشی کوتیلماقده.

بوریس جانسون 7 جولایده اقتدارده گی محافظه کار حزبی ییتکچیلیگیدن استعفاء ایتگن لیگینی، باش وزیرلیک وظیفه سینی ایسه ینگی رهبر سیلنگونچگه قدر دوام ایته جگینی بیلدیرگندی.