ترور تشکیلاتی داعش اوچووچیسیز اوچاق لردن فایده له نیش نی آشیردی

بیرلشگن ملتلر تشکیلاتی, ترور تشکیلاتی داعش نینگ سونگّی بیر ییلده اوچووچیسیز اوچاق لردن فایده له نیش نی سیزیلرلی درجه ده آشیرگن لیگی نی بیلدیردی.

بیرلشگن ملتلر تشکیلاتی تروریزم گه قرشی کوره ش بولیمی نینگ مسئولی ولادیمیر ورونکوف, خوفسیزلیک کینگشی گه بیرگن معلوماتیده, داعش نینگ منطقوی مقیاسده ضربه ییگن لیگی گه قره مسدن حاضرگی کونده هم بیر تهدید دن عبارت ایکن لیگی نی معلوم قیلدی. 

ترور تشکیلاتی نینگ سونگّی بیر ییلده انیقسه عراق نینگ شمالیده اوچووچیسیز اوچاق لردن فایده له نیش نی آشیرگن لیگی نی معلوم قیلگن ورونکوف, داعش نینگ حاضرگی کونده هم سوریه, عراق, افغانستان, سومالیا و چاد کولی حوزه سیده فعالیت یوریتیاتگن لیگی نی بیلدیردی. 

ولادیمیر ورونکوف, داعش نینگ سوریه و عراق ده 10 مینگ گه یقین ترورچی سی نینگ موجود ایکن لیگی بیلدیررایکن, خوددی شوو ترور تشکیلاتی نینگ حاضرهم 25 الی 50 میلیون دالر عایدات گه ایگه ایکن لیگی نی معلوم قیلدی.