اردوغان بیلن بایدن اورته سیده بولیب اوتگن اوچره شوو حقیده آق اوی تامانیدن بیانات بیریلدی

امریکا قوشمه ایالتلری دولت رهبری جو بایدن و تورکیه جمهوریتی جمهوررئیسی رجب طیب اردوغان بولیب اوتگن اوچره شووده, ایکله اولکه اورته سیده گی یخشی مناسبت لرنینگ دوام ایتیشی نینگ آرزو قیلینگن لیگی نی بیلدیردی. 

آق اوی تامانیدن بیریلگن یازمه بیاناتده, توناون جمهوررئیس اردوغان و بایدن نینگ, مادرید ده گی ناتو رهبر لر ییغیلیشی دایره سیده اوچره شگن لیگی بیلدیریلدی. 

بیاناتده, "دولت رهبری بایدن, تورکیه نینگ فنلاند و سویدن بیلن اوچ تامانلمه کیلیشوو امضالب, بو اولکه لرنینگ ناتو اعضالیگی گه دعوت نینگ آلدی نی آچگن لیگی نی خرسندچیلیک بیلن کوتیب آلدی" دییه قید ایتیلدی. 

اردوغان بیلن بایدن نینگ, اوکراین نینگ قوللب- قوتله نیشی باره سیده هم بحث ایتگن لیگی بیلدیریلگن بیاناتده, اوکراین حبوباتی نینگ صادراتی بوییچه روسیه توسیق لری نینگ آلیب تشله نیشی نینگ اهمیتی توغریسیده ده سوز یوریتیلگن لیگی معلوم قیلیندی.

بیاناتده, "رهبر لر, اژه و سوریه ده برقرارلیک نینگ تامین ایتیلیشی باره سیده هم بحث ایتدی.  بایدن, یخشی مناسبت لرنینگ محافظه ایتیلیشی بوییچه آرزوسی نی ینه بیر بار مطرح قیلدی و ایکله رهبر حکومت لری اورته سیده گی یقین مناسبت لرنینگ دوام ایتتیریلیشی کیره ک ایکن لیگی نی اورغوله دی" دییه قید ایتیلدی.