بلجیم ده ناتو مدافعه وزیرلری اوچره شوولری بولیب اوتماقده

تورکیه مدافعه وزیری خلوصی آقر آلمان و ایتالیا مدافعه وزیرلری کریستینا لامبرشت و لورنزو گورینی بیلن اوچره شوو اوتکزدی.

خلوصی آقر ناتو مدافعه وزیرلری جلسه سی اوچون بارگن بلجیم نینگ پایتختی بروکسلده ناتو قرارگاهیده اوچره شوولر اوتکزماقده.

گرجستان مدافعه وزیری جونشر برچلدزه، اوکراین مدافعه وزیری اولکسی رزنیکوف بیلن اوچره شوو اوتکزگن خلوصی آقر شونده ی بولیب آلمان و ایتالیا مدافعه وزیرلری کریستینا لامبرشت و لورنزو گورینی بیلن هم اوچره شدی.

بو اوچره شوولرده اوزارا و منطقوی مدافعه بیلن بیر قطارده خوفسیزلیک موضوعلری بوییچه فکر المه شووی عملگه آشیردی.

آقر جنابلری امریکا قوشمه ایالتلری نینگ اورونیشلری نتیجه سیده اویوشتیریلگن و اوکراینده گی ینگیلیکلر تیلگه آلینگن "اوکراین مدافعه تماس گروهی جلسه سی" گه هم قتنشدی.