اوکراین نینگ روسیه بیلن اوروشنی اداغگه ییتکیزیشی اوچون بیر قطار قورال گه ضرورتی بارلیگی بیلدیریلدی

اوکراین دولت رئیسلیک دفتری مصلحتچیسی میخائیل پودولیاک روسیه بیلن اوروشنی اداغگه ییتکیزیش اوچون آغیر قوراللرگه ضرورتلری بارلیگینی ایتدی.

پودولیاک تویتر آدرسی آرقه لی موضوع بوییچه پُست قویدی.

پُستده "آچیق ایته من، اوروشنی اداغگه ییتکیزیش اوچون 155 م م کالیبرلی 1000 اوبوس، 500 ته تانک، 300 ته کوپ آتر راکت تیزیمی، 2 مینگ زره واسطه و 1000 هیداوچیسیز هوا واسطه سیگه ضرورت بار" دیب ایتدی.

پودولیاک اوکراین نینگ 15 جونده بولیب اوته دیگن ناتو مدافعه جلسه سیده هم خوددی شو موضوع بیلن تیگیشلی قرار کوتیب تورگن لیکلرینی تیلگه آلدی.