بیرلشگن ملتلر تشکیلاتیده افغانستان بیلن تیگیشلی فوق العاده جلسه اوتکزیلدی

بیرلشگن ملتلر تشکیلاتی خوفسیزلیک کینگشیده افغانستانده طالبان اوتیش دوری حکومتی تامانیدن خاتین – قیزلرگه حجاب نینگ مجبور ایتیب قبول قیلیب آلینگن قرارنی تیلگه آلیش اوچون فوق العاده جلسه اوتکزیلدی.

انگلستان نینگ بیرلشگن ملتلر تشکیلاتی بویوک ایلچیسی بربره ودوارد، یاپیق روشده بولیب اوتگن جلسه نینگ آرتیدن مطبوعاتگه بیرگن بیاناتیده بویوک ایلچیلرنینگ افغانستانده گی بیرلشگن ملتلر تشکیلاتی سیاسی باشقرووی نینگ فعالیتینی تارتیشگن لیگی اینیقسه خاتین – قیزلرنینگ وضعیتی نینگ تیلگه آلینگن لیگینی ایتدی.

ناروی نینگ بیرلشگن ملتلر تشکیلاتی بویوک ایلچی اورینباسری ترینی هیمربک ایسه جلسه آلدی مطبوعاتگه بیرگن بیاناتده طالبان باشقرووی نینگ سیاستی نینگ اولکه نینگ فلاکت وضعیتده گی اقتصادی و انسانی وضعیتی گه ماسلشیش اورنیده خاتین – قیزلرنی باسیم آستیگه آلیش گه دوام ایتگن لیگینی شونده ی بولیب بونینگ خشونت گه و رادیکاللشیش گه سبب بولیشی نینگ ممکن ایکن لیگی بوییچه آگاهلنتیردی.

ناروی تامانیدن تیارلنگن اعلامیه ده طالبان باشقروویگه خاتین – قیزلرنینگ حقلرینی چیتلنتیرگن سیاستدن قول تارتیشی بوییچه چقیریق قیلینه دی.

بیرلشگن ملتلر تشکیلاتی خوفسیزلیک کینگشی خاتین – قیزلر، تینچلیک و خوفسیزلیک توغریسیده غیر رسمی متخصص گروهی تینگ باشچیلیگینی آلیب باراتگن ایرلند و مکسیکو هم توناون کونی کینگش اعضالریگه جونتگن مکتوبده طالبان نینگ سونگگی قرارینی " دهشتلی" دیب اته دی.

طالبان اوتیش دوری حکومتی نینگ امر بالمعروف و نهی عن المنکر وزیرلیگی تامانیدن 7 می تاریخیده بیریلگن یازمه بیاناتده ینگی بویروقلر دایره سیده خاتین – قیزلرنینگ حجاب تقیش گه مجبور ایکن لیگی بیلدیریلگندی.