اوروپا اتفاقی نینگ اوکراین گه یاردم لری دوام ایتماقده

اوروپا اتفاقی, اوکراین گه یاردم توپلش مقصدی بیلن پولند ده بولیب اوتگن کنفرانسده, اوکراین لیک لر اوچون 2 یوز میلیون یورو بشری یاردم وعده بیردی. 

اوروپا اتفاقی کمیسیونی نینگ باشلیغی اورزولا فن درلاین, اوشبو کنفرانس ده معروضه قیلدی. 

اوروش نینگ باشله گن کوندن بیری اوکراین گه 4 میلیارد یورو یاردم بیرگن لیک لری نی معلوم قیلگن فن درلاین, اوروش دن قاچقیب اوروپا اتفاقی اولکه لری گه کیتگن اوکراین لیک لر اوچون 3,5 میلیارد یورو دن فایده له نه باشله گن لیک لری نی بیلدیردی. 

فن درلاین, اوچ هفته آلدین اوکراین ایچیده مهاجر بولگن کیشی لر اوچون 1,8 میلیارد یورو یاردم بوییچه وعده بیرگن لیک لری نی معلوم قیلرایکن, "بو ییترلیک ایمس.  بو بغیش کنفرانسیده وعده لرنی باشله تیش گه اهمیت بیرماقده من.  شونده ی قیلیب اوکراین نینگ ایچیده مهاجر بولگن کیشی لر گه 200 میلیون یورو وعده بیرگن لیگیم اوچون خرسند من.  بوندن هم آرتیغراغی بیریله دی" دییه قید ایتدی. 

اوکراین رهبریتی نینگ اولکه نینگ قیته قوریش فعالیت لری بوییچه هم یاردم بیره دیگن لیک لری نی معلوم قیلگن فن درلاین, اوز سوزلری نی, "بونینگ اوچون یوز میلیاردلب یورو سرمایه گذارلیککه گه موفق بولیشی میز تقدیرده, بو فقط گینه قیته قوریش ایمس, بلکه اورکراین نینگ اوروپا اتفاقی گه باره دیگن یولی نی هم آچیب بیره دی" شکلیده دوام ایتتیردی. 

اوروپا اتفاقی کینگشی باشلیغی چارلس میشل هم آلدین اوکراین اوچون یاردم فوندی قوریلیشی گه قرار قیلینگن لیگی نی معلوم قیلرایکن, بو اولکه گه یاردم بیریلیشی گه اهمیت بیریاتگن لیک لری نی ایسله تیب اوتدی. 

میشل, موجود راپور لر گه کوره اوکراین ده دولت نینگ عادی بیر شکلده اوز فعالیت لری نی دوام ایتتیره آلیشی اوچون 5 میلیارد یورو یاردم گه ضرورت ایکن لیگی نی بیلدیردی.