اوکراینده روسیه نینگ هجوملری عاقبتیده ایکّی یوز دن آرتیق باله حیاتی نی یوقاتگن

اوکراین ده روسیه اردوسی نینگ هجوم لری عاقبتیده 205 باله نینگ حیاتی نی یوقاتگن لیگی بیلدیریلدی. 

اوکراین باش قاره لاوچیلیگی تامانیدن بیریلگن بیاناتده, روسیه نینگ هجوم لری نینگ باشله گن 24- فبروری دن بوگون گه قدر 205 باله نینگ حیاتی نی یوقاتگن لیگی و 362 باله نینگ ایسه یره لنگن لیگی معلوم قیلیندی. 

اوکراین قوراللی کوچ لری قوماندان لیگی تامانیدن بیریلگن بیاناتده ایسه, روس اشغالچی لرنینگ, اوکراین ده محاصره آستیده گی ایزیوم شهریده, اوکراین لیک ایرکک لرنی مسلح قیله باشله گن لیگی بیلدیریلدی. 

بیاناتده, سوزده رفراندوم اوچون تیارگرلیک لرنینگ دوام ایتیاتگن خرسون شهری یشاوچی لری آره سیده, اوکراین لیک لرنینگ جبراً مسلح قیلینیاتگن لیگی توغریسیده گی گپ لرنینگ ترقلیاتگن لیگی ایسله تیلدی. 

عینی دمده بیاناتده, روس اردوسی نینگ خارکف شهری نی محاصره قیلیش گه حرکت قیلیاتگن لیگی معلوم قیلیندی. 

اوکراین باش وزیری دانیس شمیگل ایسه ماریوپول جبهه سیده عسکر لرنینگ تسلیم بولمه گن لیگی و حاضر هم اوروشیاتگن لیک لری نی بیلدیردی. 

شمیگل, قیلگن بیر مصاحبه سیده اولکه سی نینگ کتته شهر لری نینگ هیچ قیسی سی نینگ قوله مه گن لیگی نی بیلدیررایکن, روسیه قوراللی کوچ لری نینگ قولیده گی خرسون دن تشقری باشقه شهر لرنینگ همه سی نینگ اوکراین نینگ کنترولیده ایکن لیگی نی معلوم قیلدی. 

اوکراین هوا کوچ لری قوماندان لیگی ایسه, روسیه نینگ بیر KA-52 Alligator حربی هلیکوپتری نینگ اوریب توشیریلگن لیگی نی بیلدیردی.