ناتو رهبر لر ییغیلیشی باشله دی

ناتو اعضاسی اولکه لر نینگ جمهوررئیس لری و باش وزیر لری نینگ اشتراکی بیلن ناتو رهبر لر ییغیلیشی بلجیم پایتختی بروکسلده گی ناتو قرارگاهیده باشله دی. 

تورکیه تامانیدن جمهوررئیس اردوغان نینگ اشتراک ایتگن اوشبو ییغیلیش گه 30 اولکه نینگ رهبرلری اشتراک ایتماقده. 

روسیه بیلن اوکراین اورته سیده اوروش باشله شی آرتیدن یوز بیرگن ینگیلیک لر باره سیده بحث ایتیلیاتگن اوشبو ییغیلیش آلدی دن رهبر لر ایسده لیک اوچون صورتگه توشدی. 

ناتو نینگ شرقی اوروپا ده گی اوزون مدتلی سیاستی نینگ بهالنتیریله دیگن ییغیلیش دایره سیده رهبر لر توناون آقشام دن بیری بروکسلده بعضی اوچره شوو لر باشلتگن ایدی.  ییغیلیش نینگ اداققه ییتیشیشی آرتیدن ایریم رهبر لر نینگ ناتو قرارگاهیده اوچره شوو اوتکزیش لری کوتیلماقده.

ییغیلیش آلدی دن فرانسه لیک کسبداشی امانوئل مکرون بیلن اوچره شگن جمهوررئیس اردوغان نینگ ینه کوپلب اوچره شوو اوتکزه دیگن لیگی بیلدیریلدی. 

عینی دمده, ناتو نینگ فوق العاده ییغیلیشی نینگ آچیلیشیده معروضه قیلگن ناتو عمومی منشی سی ینس استولتنبرگ, بوگونگی ییغیلیشده اوکراین بیلن همکارلیک باره سیده بحث ایته دیگن لیک لری نی بیلدیررایکن, ناتو نینگ بوگون و کیلگوسی ییللرده مدافعه کوچی نی آرتیریش بوییچه سعی و حرکت لر نی هم بهالنتیره دیگن لیک لری نی معلوم قیلدی.

استولتنبرگ, "حاضرگی کونده قوریقلیکده, دینگیزده و هوا ده بوندن هم کوپراغی نی قیلماقده میز. بو, اوروپا ده گی ینگی بیر خوفسیزلیک حقیقتی گه جواب قیتریش اوچون کیره کلی" دییه قید ایتدی.