تورکیه تشقی ایش لر وزیری چاووش اوغلی روسیه گه تشریف بویوردی
چاووش اوغلی روسیه لیک کسبداشی لاوروف بیلن اوچره شه دی
1796498
تورکیه جمهوریتی تشقی ایش لر وزیری مولود چاووش اوغلی, روسیه پایتختی مسکو گه تشریف بویوردی.
چاووش اوغلی, روسیه تشقی ایش لر وزیری سرگی لاوروف بیلن اوچره شه دی. اوشبو اوچره شووده تورکیه بیلن روسیه اورته سیده گی مناسبت لر و خلق ارا مقیاسده گی موضوع لر باره سیده بحث ایتیله دی.
چاووش اوغلی بیلن لاوروف اوچره شوو آرتیدن مشترک مطبوعاتی کنفرانس ترتیب له یدی.
چاووش اوغلی, مسکوده گی اوچره شوولری آرتیدن اوکراین گه تشریف بویوره دی.
تورکیه جمهوریتی جمهوررئیسی رجب طیب اردوغان توناون بیرگن بیاناتیده, چاووش اوغلی نینگ روسیه و اوکراین گه سفر قیله دیگن لیگی نی بیلدیرگن ایدی.
تورکیه, 10- مارچ ده, اوروش نینگ ایکّی تامانی نینگ تشقی ایش لر وزیرلری نی آنتالیا دیپلماسی ییغیلیشی دایره سیده اوچره شتیریب مهم بیر دیپلماتیک موفقیت قولگه کیریتگن ایدی.
