روسیه: اوکراین بیلن مذاکره لر ایجابی کیتماقده
اوشبو توغریده کرملین سوزچیسی پسکوف بیانات بیردی
روسیه جمهوررئیسلیک قصری (کرملین) سوزچیسی دیمیتری پسکوف گه, اوکراین تامانی نینگ, روسیه بیلن تینچلیک کیلیشووی نینگ بیر- ایکّی هفته مابینیده یاکه می آیی گه قدر امضاله نیشی نینگ ممکن ایکن لیگی گه تیگیشلی بیاناتی حقیده سئوال بیریلدی.
پسکوف, "بو اولر نینگ (اوکراین تامانی نینگ) تخمینی, تخمین قیلیشده شاشیلیش نی خواهله میمیز" دییه قید ایتدی.
پسکوف, تینچلیک مذاکره لری نینگ آسان اوتمیتگن لیگی نی معلوم قیلرایکن, مذاکره لرنینگ قنده ی نتیجه گه سبب بولیشی نینگ ممکن ایکن لیگی حقیده گپیریش نینگ حاضرچه ممکن ایمس لیگی نی بیلدیردی.
پسکوف, "هر حالده اوشبو وضعیتده مذاکره لرنینگ دوام ایتیاتگن لیگی نینگ اوزی ایجابی بیر نرسه" دییه قید ایتدی.
اوکراین جمهوررئیسلیک دفتری مشاوری میخائیل پودولیاک هم, روسیه بیلن اوکراین اورته سیده گی مذاکره لرنینگ توناون بولگن تخنیک آره دن کیین قیته باشله تیلگن لیگی نی معلوم قیلدی.
پودولیاک, "مذاکره لر قیته باشله تیلدی. تامان لر آره سیده جدی بحث لر دوام ایتماقده" دییه قید ایتدی.
روسیه اردوسی 24- فبروری ده اوکراین گه هجوم قیله باشله دی.
اوشبو کون دن بیری روسیه بیلن اوکراین هیئت لری اورته سیده 4 مراتبه مذاکره قیلگن ایدی.
