آنتونیو گوترش: اوکراین ده گی قیرغین نی توخته تینگ

بیرلشگن ملتلر تشکیلاتی عمومی منشی سی آنتونیو گوترش, اوکراین نینگ ماریوپول شهریده گی بیر توغریق خانه گه قره ته اویوشتیریلگن هجوم نی جوده یمان بیر وضعیت اوله راق بهالنتیردی. 

گوترش, "بو معنی سیز زورانلیککه چیک قویلیشی کیره ک. قیرغین نی توخته تینگ" دیدی. 

گوترش, اوروش دن اینگ کوپ اوکراین ده گی عادی اهالی نینگ منفی تاثیرلنگن لیگی نی بیلدیردی. 

عینی دمده گوترش, اوکراین بحرانی حقیده آلمان باش وزیری اولاف شولز و اوروپا بیرلیگی تشقی ایش لر و خوفسیزلیک سیاست لری عالی نماینده سی جوزف بورل بیلن صحبت قیلدی. 

بیرلشگن ملت لر تشکیلاتی عمومی سکرترلیگی تامانیدن بیریلگن بیاناتده, گوترش, شولز و بورل نینگ تلفن آرقه لی قیلگن صحبت لریده, اوکراین ده گی اوروش نینگ توخته تیلیشی بوییچه سعی و حرکت لر توغریسیده بحث ایتگن لیک لری بیلدیریلدی. 

اوکراین جمهوررئیسی ولادیمیر زلنسکی, توناون اجتماعی ترماق آرقه لی بیرگن بیاناتیده, روسیه اردوسی نینگ, ماریوپول ده توغریق خانه گه هجوم قیلگن لیگی و باله لرنینگ توپراق نینگ تگیده قالگن لیگی نی بیلدیرگن ایدی.