اوکراین: روسیه اردوسی اوکراین اوروشیده 12 مینگ دن آرتیق تلفات بیردی

اوکراین گه هجوم قیلگن روسیه اردوسی نینگ 12 مینگ دن آرتیق تلفات بیرگن لیگی بیلدیریلدی. 

اوکراین قوراللی کوچ لری قوماندان لیگی, روسیه اردوسی نینگ 24- فبروری دن باشلب 7- مارچ گه قدر بولگن مدت مابینیده بیرگن تلفاتی حقیده معلومات بیردی. 

شونده ی قیلیب, روسیه اردوسی نینگ 12 مینگ دن آرتیق عسکری نینگ اولدیریلگن لیگی, 48 اوچاق بیلن 80 تیک اوچری نینگ اوریب توشیریلگن لیگی و روسیه اردوسی گه عاید 303 تانک, 1036 زرهی واسطه, 120 توپ, 56 راکت تیزیمی و 27 هوا مدافعه سیستمی نینگ یوق قیلینگن لیگی بیلدیریلدی. 

روسیه اردوسی, 474 موتر, 3 یینگیل سرعتلی کیمه, 60 یاقیلغی تانکری و 7 اوچووچیسیز اوچاغی نی قولدن بیریب قویگن. 

اوکراین مدافعه وزیرلیگی استخبارات اداره سی اداره سی هم, خارکیف یقینیده گی اوروشده روسیه نینگ 41- اردو قوماندانی نینگ اورینباسری جنرال ویتالی گراسیموف نینگ اولدیریلگن لیگی نی بیلدیردی. 

ایکّینچی چچنیا اوروشی, سوریه ده گی عملیات لر و قیریم نینگ اشغالی ده اورین آلگن گراسیموف نینگ, اوکراین ده اولدیریلگن ایکّینچی یوقاری مرتبه لی روس قوماندان ایکن لیگی بیلدیریلدی. 

آلدین 41- اردو قوماندانی نینگ اورینباسری جنرال اندری سوخوویتسکی هم اوکراین عسکری لری تامانیدن اولدیریلگن ایدی.