بلاروس حربی لری اوکراین اوروشی گه اشتراک ایتمه گن

بلاروس جمهوررئیسی الکساندر لوکاشنکو, اردو نینگ روسیه نینگ اوکراین ده گی عملیاتی گه اشتراک ایتمه گن لیگی نی بیلدیردی. 

لوکاشنکو, مستقل لیک سرایده حربی مسئول لر بیلن عاجل ییغیلیش اوتکزدی. 

ایرته لب اوکراین دولت چیگره سی نینگ بلاروس تامانیدن حمایه له نیاتگن روس عسکر لر نینگ هجومی گه دوچ کیلیب قالگن لیگی بیلن علاقه لی خبر لر کورگن لیگی نی معلوم قیلگن لوکاشنکو, "بیزنینگ حربی لری میز (اوکراین ده گی) بو عملیات لرده اورین آلمه گن" دییه قید ایتدی. 

لوکاشنکو, آلدین اوکراین نی آگاهلنتیرگن لیگی نی معلوم قیلیب, ایکله تامان نینگ قان توکیلیشی و اوروش نینگ آلدی نینگ آلینیشی یوللری نی قیدیریشی کیره ک ایکن لیگی نی بیلدیردی. 

لوکاشنکو, اوکراین و روسیه نینگ مینسک ده مذاکره قیلیش گه چقیردی. 

الکساندر لوکاشنکو, "بیز اسلاو میز, اوچ اسلاو خلقی.  کیلینگ مذاکره قیلیب کیله جگی میز نی انیقلشتیره یلیک.  مین (اوکراین جمهوررئیسی ولادیمیر) زلنسکی نینگ اورنیده بولسه ایدیم شونده ی قیلر ایدیم.  (روسیه جمهوررئیسی ولادیمیر) پوتین 'بیز اشغالچی ایمس میز, اوکراین نی اشغال ایتمه یمیز' دیماقده.  باشقه نیمه کیره ک؟ مذاکره اوچون شرایط بو" دییه قید ایتدی.