جمهوررئیس اردوغان اوکراین مسئله سی توغریسیده گپیردی

تورکیه جمهوریتی جمهوررئیسی رجب طیب اردوغان, افریقا سفریدن قیتیب کیلیاتگن پیتده اوچاقده ژورنالیست لرنینگ سئوال لری گه جواب قیتردی. 

اردوغان, 20- فبروریده دموکراتیک کنگو جمهوریتی بیلن باشله گن افریقا سفری نینگ تکمیل بولگن لیگی نی بیلدیررایکن, اوکراین ده گی مهم ینگیلیک لر سببلی گینه بیسائو سفری نی معطل قیلیب تورکیه گه قیتیب کیلیش گه مجبور بولیب قالگن لیک لری نی معلوم قیلدی.

اردوغان, "اولکه میزنینگ اوکراین نینگ ارضی تمامیتی گه اهمیت بیریاتگن لیگی نی, بولیب اوتگن تلفنی صحبتیمده حرمتلی زلنسکی (اوکراین جمهوررئیسی ولادیمیر زلنسکی) گه هم بیلدیردیم.  مینسک کیلیشووی نینگ انیق روشده اخلال ایتیلگن هیچ قنده ی بیر تشبث نی قبول قیلمه گن لیگی میز و بوندن کیین هم قبول قیلمه یدیگن لیگی میز نی معلوم قیلدیم.  بحران نینگ ینه ده کوپراق قولاچ یاییب کیتمسدن مذاکره یولی بیلن ییچیلیشی توغریسیده قولی میزدن کیله دیگن برچه سعی و حرکت لرنی قیلیش گه تیار ایکن لیگی میز نی بیلدیردیم" دییه قید ایتدی. 

جمهوررئیس اردوغان, قاره دینگیز نینگ خوفسیزلیک و برقرارلیگی جهتی دن تهدید تشکیل ایتیاتگن اوشبو وضعیت توغریسیده ناتو متفق لری بیلن هم مصلحت قیله دیگن لیک لری نی معلوم قیلرایکن, ناتو رهبر ییغیلیشی نینگ ویدیوکنفرانس آرقه لی بولیب اوته دیگن لیگی نی بیلدیردی. 

اردوغان, "قاره دینگیز آرقه لی قوشنی میز بولگن روسیه بیلن اوکراین نینگ زودلیک بیلن مذاکره قیلیش لری نی آرزو ایتماقده میز" دییه قید ایتدی. 

ناتو رهبر لر ییغیلیشیدن نیمه لر نی کوتیاتگن لیگی توغریسیده گی بیر سئوال گه جمهوررئیس اردوغان, حاضرگی کونده روسیه بیلن رهبر لر سویه سیده جدی بیر اوچره شوو نینگ بحث موضوعی بولمه گن لیگی نی بیلدیردی. 

اردوغان, "حاضرچه اوکراین گه جدی معنی ده بیر حربی یوباریش کبی وضعیت گه دوچ کیلگن ایمس میز.  همه گپیره دی, لیکن ایش قیله دیگن یوق.  بونده ی بیر وضعیت حاکم.  شوباعث ایندی روسیه چیگره گه جدی مقدارده حربی کیترگن وضعیتده.  البته که بونده ی بیر وضعیتده نتیجه نینگ قنده ی بولیشی نینگ انیقلشتیریلیشی اوچون کوپ هم باش قاتیریش کیره ک ایمس.  اوشبو جهت دن آلیب قره گنده کوره یلیک چی بولیب اوته دیگن ویدیوکنفرانسده ناتو اعضاسی اولکه لرنینگ رهبر لری نیمه دیدی لر.  بیز هم گپ لری میز نی اولرنینگ گپ لری گه کوره ایتیب سیاستی میز نی انیقلشتیره میز" دییه قید ایتدی. 

جمهوررئیس اردوغان گه, روسیه بیلن اوکراین اورته سیده گی بحران بوییچه قیسی اولکه دن طرفدارلیک قیله دیگن لیک لری حقیده سئوال بیریلدی. 

اردوغان, اوشبو سئوال گه, "ایکله سیدن هم واز کیچیشی میز ممکن ایمس" دییه جواب قیتردی.