روسیه اوکراین گه هجوم قیلمه یدی

روسیه نینگ انقره ایلچیسی الکسی ارخوف, اولکه سی نینگ اوکراین گه هجوم قیلمه یدیگن لیگی نی معلوم قیلدی. 

ارخوف, تورکیه رادیو تلویزیونی (تی آر تی) بیلن قیلگن مصاحبه سیده, غرب نینگ روسیه نینگ اوکراین نی اشغال ایته دیگن کون بیلن علاقه لی تاریخ بیرگن لیگی و بولرنینگ هیچ قیسی سی نینگ حقیقت ایمس لیگی نی بیلدیردی. 

ارخوف, "تاریخ لردن بیری توناون, بیری بوگون و اوچینچی سی ایسه ایرته.  قنی اشغال دیگن بیر گپ بولدی می؟ دییه قید ایتدی. 

الکسی ارخوف, عمدی بیر شکلده تحریک لرنینگ مطرح قیلینیب روسیه گه قرشی تحریم تطبیق ایتیلیشی نینگ آرزو قیلینیاتگن لیگی نی ایسله تیب اوتدی.

ارخوف, "توناون هجوم قیلمه دیک, بوگون هجوم قیلمه دیک و ایرته گه هم هجوم قیلمه یمیز. زیرا بیز هیچ کیمسه گه هجوم قیلمه یمیز" دییه قید ایتدی. 

الکسی ارخوف, روسیه تشقی ایش لر وزیری سرگی لاوروف نینگ ناتو اولکه لری گه مکتوب یوبارگن لیگی نی بیلدیررایکن, اوشبو مکتوب نی اوزی نینگ تورکیه جمهوریتی تشقی ایش لر وزیری مولود چاووش اوغلی گه بیرگن لیگی نی معلوم قیلدی. 

ارخوف, "تورکیه نینگ, اوکراین بیلن بولگن 'فوق العاده' مناسبت لریدن فایده له نیشی تقدیرده اوکراین نی منسک کیلیشووی بوییچه مسئولیت لری نی بجا کیتیریش گه کوندیریشی ممکن.  بونده ی بولیشی تقدیرده منتدار بوله میز" دییه قید ایتدی.  

الکسی ارخوف, روسیه جمهوررئیسی پوتین نینگ تورکیه گه سفری نینگ تاریخی حقیده اوچره شوو لرنینگ دوام ایتیاتگن لیگی نی بیلدیررایکن, خوددی شوو سفر دایره سیده بحث ایتیلیشی کیره ک بولگن کوپلب موضوع نینگ موجود ایکن لیگی نی ایسله تیب اوتدی.