نورسلطان نظربایف نینگ سیاسی صلاحیت لری قولیدن آلیندی

قزاقستان جمهوررئیسی قاسم توکایف, قزاقستان نینگ بیرینچی جمهوررئیسی نورسلطان نظربایف نینگ سیاسی صلاحیت لری نینگ قولیدن آلینیشی بوییچه قانون نی امضاله دی. 

جمهوررئیسلیک تامانیدن بیریلگن بیاناتگه کوره, توکایف, اساسی قانون ده گی بیرینچی جمهوررئیس- ایلباشی قانونی ده گی ایریم اوزگریش لر توغریسیده گی قانون نی تصدیق له دی. 

شونده ی قیلیب, نظربایف نینگ قزاقستان خوفسیزلیک کینگشی و خلق اسامبله سی ده گی "عمرباد ریاست" صلاحیت لری قولیدن آلیندی. 

اولکه نینگ ایچکی و تشقی سیاستی توغریسیده گی دولت تشبث لری نینگ نظربایف بیلن قرارلشتیریلیشی بوییچه ماده هم چیقریلدی. 

آلدین اوشبو قانون, قزاقستان پارلمانی تامانیدن تصدیقله نیب امضاله نیشی اوچون جمهوررئیسی گه تقدیم ایتیلگن ایدی. 

قزاقستان نی 30 ییل گه یقین بیر مدت بیلن باشقریشی آرتیدن میلادی 2019- ییلده جمهوررئیسلیک وظیفه سیدن استعفا ایتگن نظربایف, بونگه قره مسدن قزاقستان نینگ خوفسیزلیک کینگشی و قزاقستان خلق اسامبله سی عمرباد ریاستی حقی نی سقلب قالگن ایدی.