نورسلطان نظربایف نینگ قزاقستان خوفسیزلیک کینگشی دایمی رئیسلیگی حقی قولیدن آلیندی

قزاقستان نینگ اساسچی جمهوررئیسی بولگن نورسلطان نظربایف نینگ خوفسیزلیک کینگشی و قزاقستان خلق اسامبله سی عمرباد رئیسلیگی حقی قولیدن آلیندی. 

قزاقستان سنا مجلسی, هفته لیک ییغیلیشیده, اولکه نینگ بیرینچی جمهوررئیسی بولگن نورسلطان نظربایف نینگ سیاسی صلاحیت لری بیلن علاقه لی قانون لایحه سی گه کیریتیلگن ایریم اوزگریش لرنی قبول قیلدی. 

شونده ی قیلیب نظربایف نینگ خوفسیزلیک کینگشی و قزاقستان خلق اسامبله سی عمرباد رئیسلیگی حقی قولیدن آلیندی.

اوشبو قانون لایحه سی سناتور لر تامانیدن بیر آوازدن معقوللندی.  

قزاقستان نی 30 ییل گه یقین بیر مدت بیلن باشقریشی آرتیدن میلادی 2019- ییلده جمهوررئیسلیک وظیفه سیدن استعفا ایتگن نظربایف, بونگه قره مسدن قزاقستان نینگ خوفسیزلیک کینگشی, قزاقستان خلق اسامبله سی و نور اوتان حزبی نینگ رهبرلیگی نی آلیب بارماقده ایدی. 

نظربایف, خوفسیزلیک کینگشی ریاستی نی ایسه اولکه ده جاری ییلده یوز بیرگن حادثه لر آرتیدن جمهوررئیس قاسم توکایف گه تاپشیرگن لیگی نی بیلدیرگن ایدی.