آذربایجان تورکیه گه قیغوداشلیک بیلدیردی
آذربایجان مدافعه وزیری تورک کسبداشی گه قیغوداشلیک پیامی یوباردی
آذربایجان مدافعه وزیری ذاکر حسن اف, تورکیه نینگ شانلی اورفه ولایتی آقچه قلعه اولسواللیگی ده گی چیگره ده تورک عسکر لرنینگ شهید بولگن لیگی سببلی تورکیه جمهوریتی ملی مدافعه وزیری خلوصی آقر و قوراللی کوچ لری عمومی قوماندانی یاشر گولر گه تسلیت پیامی یوباردی.
حسن اف اوشبو پیامیده, "شانلی اورفه نینگ آقچه قلعه تومنیده اویوشتیریلگن خائنانه ترورچیلیک هجومی عاقبتیده قهرمان تورک اردوسی نینگ 3 عسکری نینگ شهید بولگن لیگی بوییچه خبر مینی جوده خفه قیلیب قویدی. سیز نینگ دردینگیز بیزنینگ دردی میزدن عبارت. تروریزم گه قرشی کوره ش بوییچه هردایم تورک قوراللی کوچ لری نینگ یانیده میز و کوچلی بیر شکلده سیز لرنی قوللب- قوتله یمیز" دییه قید ایتدی.
شهید عسکر لر گه الله دن رحمت طلب قیلگن حسن اف, شهید عایله لری گه تسلیت بیلدیریاتگن لیگی نی معلوم قیلدی.
تورکیه جمهوریتی ملی مدافعه وزیرلیگی, آقچه قلعه تومنیده چیگره ده ترورچی لر تامانیدن اویوشتیریلگن هجوم عاقبتیده 3 عسکر نینگ شهید بولگن لیگی نی بیلدیرگن ایدی.
علاقه لی ینگی لیکلر
روس کوچلری تامانیدن اوکراین نینگ خارکیف منطقه سیگه هجوم اویوشتیریلدی
اوشبو هجوم عاقبتیده کوپلب کیشی نینگ اولیب یره لنگن لیگی بیلدیریلدی